26 aug

Litt småsøm

Vetlesysta er blitt fem månader straks og tida nærmar seg då ho kan sitte med matbordet som andre folk. Tripp-trapp-stolen er stilt inn til henne alt og her om dagen fekk eg sydd ferdig puta til den. Stoffet meinar eg er frå Stoff og Stil, og eg syns det passa godt her. Reint sånn bortsett frå at kvitt på ei pute ved matbordet er å be om vaskejobb. Eg sydde ein ekstra skinnstropp til stolen i kvitt skinn som skal høyre til. Eg må nok sy ei pute (og ein stropp) til som vi kan ha når det eine settet er i vask. Det bør gå litt raskare å sy det neste når eg først har laga eitt.

Eldstejenta fekk seg ein bamse før skulen slutta i vår og med farsotten onepiece gåande vart det naturleg at eg spøka med at ho burde hatt ein onepiece ho òg (det er ein ho-hund må vite). Eldstejenta tok det slett ikkje som nokon spøk og eg fann fram ark og måleband og laga mønster til dressen. Litt ekstra å tenke på når det er til ein hund i forhold til eit menneske – hull til hale og øyrer for eksempel – men vi fekk det til til slutt.

Med ein onepiece ferdig og vist fram i bursdagsselskap her i huset, vart det nokså klart at det var fleire i klassen som hadde samme bamsen. Samme bamsen, men naken. Og når ein først har laga eit mønster klart og stoffet er i hus (her brukte eg ei bukse eldstejenta ikkje ville ha) er det rimeleg raskt å sy fleire like ting. Så denne som går som bursdagspresang i dag:

Eldstejenta sin hund sit modell. No blir det spennande å høyre kor mange like bamsar det eigentleg finst i 5b…

09 jul

Buksestrikk og buksesøm i kvitt

Først ut i dagens skryt er ei bleiebukse, som dessverre vart i minste laget. Mjuk og god i dobbel (trippel i skrittet) merino ulljersey. Eg kjem nok til å sy fleire slike, men i litt større størrelse. Denne er det kanskje nokon andre som vil overta? Det er fullt mogeleg å farge denne typen ulltøy. 

Eg har òg sydd ein ullpysj, i tunn blå ulljesery og ei bukse (under) i offwhite ullinterlock. Eg har tenkt å farge denne buksa når eg får tak i kool-aid eller noko anna eg kan bruke.

Det siste eg har gjort ferdig til snuppa er ei kvit ullbukse i Bjørnegarn frå Tre Bjørner. Starten (ned til kilen begynnar) er etter Curly Purly-oppskrifta mens eg vidare strikka kile, maska sammen i skrittet og strikka beina berre på innfallsmetoden. Eg valgte å strikke vrangbord på heile beinlengden. Nederst strikka eg ei hullrad til pynt. Buksa er stor og god enno.

04 jul

Frå sommarkjole til sommardress

Stoffet i denne drakta kjem frå ein sommarkjole i jersey som eg hadde lagt til side til bedre tider. Det var akkurat nok stoff til ei drakt i størrelse 74, som vesla kan vekse inn i i løpet av sommaren eller hausten. Dei kvite kantane er i bambusjersey.

Eg har brukt to mønster frå Ottobre som utgangspunkt. Ei heildrakt frå nr. 4 og raglanermer/topp frå ein genser frå nr. 6 i 2006.  Knappar er på veg frå The Snap Store sammen med eit nytt «Die-Set» til små knappar så eg får ikkje gjort den ferdig før dei er komne.

11 jun

Hiver oss på onepiece-bylgja ;)

Strengt tatt er vel ikkje dette meir enn ein babydress, men søt er den jo syns eg. Har brukt hette frå eit mønster, ermer frå eit anna og sjølve kroppen frå eit tredje – sånn ca.

DSC_1117
Dressen er berre akkurat passe, så den får bli brukt til kjølige dagar no i sommar. Nokre av dei kjem visst alt no i helga.

DSC_1112
Eigaren har fått forbokstaven sin på ryggen/baken.

Ho er ganske søt modellen òg! ;)
DSC_1113

08 feb

Pysjamaspose

Pysjamaspose kan vel forresten vere noko heilt anna enn dette når eg tenker meg om – ein pose til å ha pysjen i. Men dette er altså ein pysj med pose i staden for bein. Eg har brukt eit mønster til omslagsjakke som utgangspunkt øverst og endra litt på det. Håpar det blir eit praktisk plagg sjølv om det ikkje er opning nederst. Det kan eg evt. endre om det visar seg å vere nødvendig. Evt. sy ein til…
pysjpose
Posen/pysjen er sydd i ullstoff frå naturesfabrics. Skikkelig mjukt og godt. Eg har òg sydd eit par ørsmå vottar etter modell frå nokre eg kjøpte ein gang frå Ullrik (men som no var hullete etter oppbevaring frå sist gang dei var i bruk). Eg tenker dei skal få bli brukte med saumane ut for å vere mjukast mogeleg.

05 feb

Babytøy igjen

Eit sett i velour etter mønster frå Ottobre 1/2005. Størrelse 62, men min erfaring med klede sydd frå Ottobremønster i forhold til kjøpetøy er at det er litt stort. Grøn er ikkje min favorittfarge i utgangspunktet, men eg syns dette vart nokså fint likevel.
veloursett

Her om dagen sydde eg ei bukse i jesery med kantar i ribb. Dette er verkeleg fargar eg fell for for tida!
campingbukse

Omslagsjakke i ulljersey vart det òg tid til her ein dag. Veit ikkje om den kjem til å bli så mykje brukt. Ullstoffet er litt stivt og bånda var ikkje dei rette (stive skråband). Får sjå korleis den kjennest ut etter vask. Har tenkt å bruke same mønsteret til å sy ei jakke i mjukare ullstoff.
ullomslag

Minsten har òg fått seg ei bukse sidan sist eg posta noko i bloggen. Ei bukse i restar av isoli. Den har eg ikkje klart å få tatt bilde av mellom kvar gang den er i vask. Den har vore med to dagar i barnehagen alt denne veka. Er vel eit greitt kompliment det.

30 des

Litt strikka og litt sydd

Det er stadig vekk krabaten i magen som blir tilgodesett med alt av mammas håndarbeidstid. Nesten iallefall. Har på gang ei Waldorfdukke saman med mellomsta, men den får vi vise fram når den har fått fjes og hår – om vi (les: eg) får det til.

Denne buksa er strikka i str. 0-1 år etter mønster frå Nøstebarn. Til heimreisa frå føden kanskje?

 

Eg driv og strikkar sokkar som skal vere til og kanskje klarar eg til og med ei eller anna slags jakke før mars.

Sokkane kan du sjå her i strikkekorga mi. Det er tube-/spiralsokkar uten hæl. Mulig dei blir litt for store til ein nyfødd, men eg skulle vel klare å finne andre ting å ha på føttene til den lille om så er… Det andre som ligg i korga for tida er eit ullteppe i babyull. Eg har strikka fire slike før i år og dette blir altså det femte, påbegynte iallefall. Å få det ferdig i 2009 kan eg berre gløyme. Eg strikkar teppet av 300 gram garn så det blir stort og godt. Strikka frå hjørne til hjørne.

Her er dei fire andre teppa eg har strikka i år. Dei to øverste er fast med i senga til minsten medan jentene sine slenger litt meir rundt.

I går sydde eg denne «veksebodyen» etter mønster frå Ottobre 1/2004. Halsen henta eg frå ein annan body då eg ville ha konvolutthals. Er litt spent på korleis den er i størrelsen. Har satt inn tre sett med knappar slik at den kan regulerast etter som babyen veks.

Stoffet har eg kjøpt på nett ein eller annan plass. Frå USA trur eg. Ribben på ermene er frå Stoff og Stil. Eg kjem nok ikkje til å sy fleire slike før eg har fått prøvd den ut. Lyseblått skal kunne passe til både gut og jente sidan vi ikkje veit kjønn på babyen i magen.

09 des

Litt meir utstyr og tøy til småtten

Vi er godt over halvveges i ventinga på vår lille magebuar og eg har kosa meg med å lage litt meir mjuke ting til han eller henne. Teppet i tofarga fleece frå Michas stoffeche var det første eg laga av dette. Teppet kanta eg med eit blomstra bomullsstoff.  Eg syns ikkje eg vart heilt heldig med å runde av hjørnene, spesielt sidan eg ikkje skråklipte kantbanda. Men no får det vere som det vart. Eg har teke opp att tre av blomstene frå bomullsstoffet og brukt som applikasjonar på teppet.

utstyr2

Den brune lua er sydd etter mønster frå «Barnetøj du selv kan sy» men uten lister inni. Størrelse 3 mnd. Tøyet er ein blanding av bambus og bomull frå Bamboo Fabric Store. Omtrent i t-skjortetjukkelse.

Tøyskoa er med inspirasjon frå ei oppskrift som ligg ute på forumet tettinntil. Eg har modifisert oppskrifta litt sidan eg ikkje ville ha meir skøytar enn nødvendig på innsida. Innsida er difor i berre to stykker. Utsida er òg endra litt. Mellom anna med ei list som går over heile høgda framme. Foret er i ullfilt og utsida er i ein kombinasjon av (litt for tunnt?) bomullsstoff og skinn. Håpar dei blir gode å ha på. Sålen er omtrent 12-13 cm lang, så dei passar vel ikkje sånn heilt med det samme.

utstyr3

27 nov

Kosar meg med å lage babyting

Desse lammeskinnstøflene er tenkte til småtten i magen. Ca 9,5 cm lange i sålen reknar eg med dei passar med det samme han eller ho kjem til verden. Varme føtter er viktig – og sjølv om både mars og april er vårmånader er eg sikker på at dei kjem godt til nytte.
babyutstyr
Smekka/halstørkledet er etter mønster frå AOH nr. 3/2007. Modell nr. 29. Jersey framside og fleece bakside. Dobbelt opp med trykknappar gjer at den kan brukast lenge. Ingen av dei tre ungane vi har no har gulpa i stor skala som babyar så eg forventar ikkje det denne gangen heller, men den kan godt duge som halstørkle på litt kjølige dagar.

24 okt

Sjå ho syr igjen!!

Blogging har ikkje blitt prioritert frå meg på lang tid, og det har heller ikkje blitt sydd så mykje her heime. No ser det imidlertid ut som om inspirasjonen er på plass igjen. I mars (kanskje april) blir vi seks i familien og den lille må jo få litt heimesydd. Når eg så syr til ein liten baby som ikkje ein gang er fødd, blir det til at dei tre som skal få ein lillebror eller ei lillesøster òg må få eit og anna plagget.

Buksa er sydd til eldstejenta frå mønster i Ottobre design nr. 4/2006. Modell nr. 37 i størrelse 140. Eg har ikkje fått henne til å prøve den enno, men eg håpar den passar. Modellen skulle syast i «fritidstyg», men eg sydde den i dongeri med jerseykantar. Håpar den er god å ha på. Litt kjedelige fargar, men så kanskje ikkje «alt» av flekkar visar på den heller. Eg starta på denne i god tid til skulestart, men har ikkje brukt tid på den før no. Når ein så først kjem i gang tar det plutselig ikkje så lang tid å få det ferdig.

syrigjen

Pysjamasen/sparkedrakta uten fot er sydd etter mønster frå det nyaste Ottobre design, 6/2009. Modell nr. 3. Størrelsen er 62 sidan mine barn sjeldan har brukt mindre tøy enn det. Den har konvoluttopning i halsen og trykknappar i skrittet. Gledar meg alt til å sy meir til den lille krabaten som eg alt kan kjenne røre på seg innimellom. Lurer på å la modell 4. i samme blad bli neste prosjekt. Ei selebukse med vide bein. Evt. sy den i velour med ribb nede og i minste størrelse.

Sidan vi ikkje veit kva kjønn babyen er merkar eg at eg blir litt opphengt i at det skal vere kjønnsnøytrale fargar. Ikkje slik at det ikkje blir raude eller blå plagg, men jammen har eg mykje veldig rosa og «jentete» stoffer liggande. Kanskje eg må prøve å bytte til meg litt meir nøytrale stoff…

26 jun

Skulegensar.

Dette stoffet som eg fekk frå ei nettvenninne ein gang fekk komme ut av hylla i går. Eg hadde lyst til å sy og stoffet passa godt til ein gutegensar syns eg. Kombinerte det med ribb etter mønster frå Ottobre 2005 nr. 3 – modell 22.

genser1

I bladet er gensaren sydd av velour og med bein kant nede, men sidan eg har to litt ulike stoff valgte eg ribb òg på nederste kant. Eg har sydd gensaren sammen med overlocksaum (på Compulocken min) og sydd ned alle saumrom med vanleg rettsaum på symaskina.

erme

Gensaren er sydd i str. 122 og eg legger den difor bort til femåringen min skal begynne på skulen neste haust. For ein gang skuld er eg ute rikelig tidleg…

21 jun

Heimekjole

Eg har sydd litt på ein sundag. Laga meg ein behageleg heimekjole i stretchstoff. Trur det er bambus – eller var det hamp? (Når stoff blir liggande ei stund etter innkjøp er det fort gjort å gløyme).  Stoffet var ubleika/naturfarga og har fått ein omgang i maskina med Nitor brun farge. Eg knytte på nokre band på seks plassar for få ørlitt mønster.
brunkjole

Eg brukte ein gammal velbrukt jerseykjole som mønster og la til splittar i sida for å få den litt romsligare.  Eg sydde med brun tråd sidan eg skulle farge den brun – så er det (nesten9 ingen trådar som visar. Det er mogeleg eg prøver å lage ein kortare kjole som ein tunika i omtrent samme modellen. Evt. med nokre korte korte ermer.

Så kan sommaren berre komme!

17 mai

Vel blåst!

Så var feiringa av dagen over for vår del. Barnetog – is – leikar – pølser og ein liten opptreden i folketoget ved fløytemusikanten vår. Fløyta vart ordna av korpsdirigenten heldigvis! Med avspeling av MGP-opptak midt på dagen (sidan ingen av oss såg det i går) vart dagen ikkje så aller verst. Og beviset på at vi ikkje berre har slitt sofaen er her:  Første grønskeflekken som kom til og med før avreise heimefrå.

groentkne

Her er fire av fem i familien på skuleplassen etter barnetoget. Minsten har ikkje fått noko heimesydd til 17. mai i år, men «vikingkjolen har eg som kjent sydd, minsta sin kjole sydde eg i april i fjor og ytterst på benken sit eldsta med sommarfuglskjørtet eg vart ferdig med i går.

17familie

16 mai

Klare til 17. mai!

Skjørtet som eldsta bestilte er ferdig. Utgangspunktet er som nevnt «Salsa dress» frå Ottobre nr. 1/2004. Eg valgte å plassere glidelåsen i sida i stadenfor midt framme sidan eg hadde stormønstra stoff. I tillegg la eg eit legg midt framme og har satt i strikk  både framme og bak i linninga (mot berre bak på mønsteret). Eg klipte av kanten nede litt slik at volangen visar og syns det vart eit søtt skjørt. Eldsta har sjølv valgt kva stoff som skulle brukast.

maiskjoert

Og med fullføring av skjørtet er alt av klær og utstyr klart til nasjonaldagsfeiring. I følge yr.no blir det opphaldsver, men ikkje så mykje meir enn det. Håpar at det blir varmt nok til at jakkene kan ligge heime. I år skal vi delta både i barne- og folketog. Eller korpsmusikanten vår skal delta i folketoget og alle sammen i barnetoget. Fløyta er på reperasjon så det er ikkje sikkert ho får blitt med å opptre i morgon, men aspirantane marsjerer uansett utan å spele så det spelar (!) ikkje så stor rolle for henne.

I morgon er det berre å hoppe i kleda etter ein roleg frukost. Alt skal iallefall vere klart no. Fløytene og flagga tar eg ikkje fram før i kveld slik at vi har ein viss sjans for å faktisk få dei med oss ut av huset.

maiklede

10 mai

Vikinginspirert drakt til 17. mai og prosjektering av maiskjørt

«Vikingdrakta» mi er ferdig (nok) og eg skal definitivt bruke den 17. mai. Den er veldig behageleg å ha på og eg syns den vart akkurat så enkel og grei som eg ville ha den. Vurderar å skøyte på eit stykke på serken for å få den litt sidare, men veit ikkje om eg gjer det før eg har prøvd den ein omgang. Smykket verka litt kort no når eg fekk på meg stakken under så eg skal ta på nokre ekstra perler på den.

viking2

Eldstejenta hadde lyst på nytt skjørt til 17. ma og slike utfordringar kan eg ikkje motstå, sjølv med berre ei veke igjen og to dagar på reis. Har valgt modell 34 i Ottobre 1/2004. «Salsa skjørt».

maikjole1

Vi skal bruke to stoff med prikkar og to stoff med sommarfuglar. Dvs. eit stoff har både sommarfuglar og prikkar så det blir tre ulike stoffer.

maikjole2

08 apr

Bukser til minstejenta.

Minstejenta mi vil ho alltid vere sjølv om ho er ikkje så lita lengre. Buksa er sydd etter mønster frå Ottobre nummer 1/2009 og i størrelse 128. Eg la på litt ekstra i beinlengde på den rosa buksa sidan den skulle ha strikk nede.

bukser

Buksene er begge i velour frå MG-tyger og  den rosa ribben er òg derifrå. Den raude ribben hugsar eg ikkje kor eg har kjøpt. Lurer på om det var med i ein «forundringspakke» frå SGS ein gang i tida. Eg hadde tenkt å bruke den raude ribben nederst på buksebeina på buksa, men den var rett og slett for lite elastisk. Eg har brukt strikk inne i linninga på begge buksene, men altså strikk berre nederst på den rosa.

Det var altså to av tre – ho vil eigentleg ha ei tredje bukse som skal vere BÅDE raud og rosa. Vi får sjå.

07 apr

Ny sjanse

Ein kjole som var blitt for liten, og som dessuten hadde fått ei rift i sida, har fått ein ny sjanse. Eg klipte av overdelen og erstatta den med ein av jersey. Har kanta den med overedge-saum og håpar at det er elastisk nok. Den same saumen er brukt nederst og for at det skulle vere litt av samme detaljane på begge delane av kjolen.

kjole1

kjole2

kjole3

24 feb

Joda Lises – eg er i live. ;)

Eg har faktisk til og med sydd litt i det siste. Sundag sydde minstejenta (7) og eg ei veske til dei nye mikrodokkene hennar. Eg kallar dei det dei , men dei heiter Polly Pocket og lignande. Veska er i bomull, utgangspunktet var 30×60 for både ytter- og innerstoff og hankene er berre vrangsydde og ca 7 x 80 cm lange. Jenta valgte stoffer sjølv – med litt styring på hankene (ho ville ha eit mønstrete gult stoff). Syns den vart skikkelig fin. Man kan jo som kjent aldri ha for mange vesker. Det er ei lita lomme utanpå veska, men den er ikkje så god å sjå på bildet.

jenteveske1

Elles må eg vise fram «prosjekt vikingdrakt».  Eg sydde meg ein serk i naturfarga lin tidlegare, men den vart for kort både på lengda og på ermene. Så no har eg klipt til stoff til ein ny i «kanel»farga lin. Har planar om å sy drakta ferdig slik at eg kan bruke den 17. mai. Bunaden som eg ikkje lengre føler meg vel i skal få henge til ein av jentene overtar den (eller så får eg selge den). Skålspennene kjøpte eg på Island i haust. Dei skal sitte framme og holde forklekjolen oppe. Forklekjolen er i «aubergin» ullfilt.

viking1

Eg vil prøve å få tak i glassperler på det lokale museet vårt til å ha som smykke mellom spennene. Tvilar på om eg får tak i brikkeband eller lignande til kjolen til 17. mai, men det går jo an å pynte drakta meir seinare. Kanskje eg må ein tur til Vikinglandsbyen i Gudvangen i sommar for å hente inspirasjon og handle pynt? Så gjenstår det å sjå om eg blir ferdig med den og så om eg tør å gå med den på 17. mai…

01 okt

Vindtette panneband

Desse er laga i høve haustferien vest i havet.

Ytterstoffet er bevernylon på alle tre, men foret er ullfilt, bomullsfleece og polyesterfleece alt etter kva eg hadde av matchande fargar.

Ungane har fått navnet sitt brodert på pannebanda i same farge som pannebandet så det ikkje skal vere så veldig tydelig.

15 jun

Ein stripete kjole som mønstertest.

Eg har sydd denne kjolen for å teste ut eit mønster på vikingkjole.

Mønsteret fungerte flott sjølv om eg har brukt heilt andre materialer enn eg har tenkt å bruke til den faktiske kjolen. Kortare enn tenkt er den òg. Denne er i eit eller anna syntetisk (polyester?) medan vikingkjolen skal vere i ull med ein underkjole i lin.

Kjolen er laga av berre 115(b)x123(l) cm med stoff.

Eit nærbilde av stoffet.

Den navnlause katten heiter no Isis.

03 mai

Forklekjole med knappeskrekk.

Eg syr dei populære forklekjolane oftast uten knapp fordi eg ikkje ser for meg at plagg pr. i dag blir endra etter som barnet veks (type flytte knappar) uansett. Evt fordi det er enklast og er er litt bedageleg anlagt ;)

forklekjole knappeskrekk1

Slik gjer eg det: Sy på eventuelle applikasjonar eller lommer først. Sy framstykke og bakstykke saman rette mot rette (eller to forstykker til vendbar kjole) som på tegninga under. Dei raude stykkene (ved A-D +E) markerer stykker som ikkje skal sys saman. Opninga ved E er vrengeopning medan A-D er der vi skal sy selane saman. forklekjole
Når du har sydd stykkene saman rett mot rett (med unntak av fargelagde bitar OG endane på selane) vrenger du kjolen gjennom opninga ved E.

Sy så selane saman rettside mot rettside. A med C og B med D.
forklekjole knappeskrekk
Brett ut begge seleendane og stryk saummonnet flatt. Vreng rettsida ut, press ned sidesaumen og brett inn saumrommet i opningane som er danna. Stryk ut saumane. Sy ei stiking rundt heile kjolen.

Du vil oppdage at denne stikinga kan sys i ein samanhengande saum – litt fascinerende i grunn. Klipp av trådendane ved endt runde og kjolen er ferdig, heilt ferdig. Ingen siste finish som manglar. Ingen knappar eller knapphol som sender kjolen i UFO-dungen.

Mitt mønster til denne kjolen i to størrelsar (74/80 og 92/98) får du kjøpt i nettbutikken min. Med i prisen får du ein lisens til å sy for salg av mønsteret.

06 apr

Ein sommarkjole.

Denne kjolen er sydd etter mønster frå Ottobre Design nr. 6/2007. Der er den brukt som underkjole, men eg syns den med mitt val av stoff passar fint som sommarkjole. Den passar til minstejenta vår, men om det blir ho som får den eller som vil bruke den, gjenstår å sjå.

sommarkjole

 

Kappa nede kan du finne igjen på stoffbildet i forrige post.

Når eg er på syrommet, og sidan eg endelig har BÅDE symaskin og broderimaskin (for ikkje å nevne andre maskiner…) broderer eg litt mens eg syr. Eg har ikkje trådstativ på broderimaskina mi, men set spolen i ein kopp ved sida av og så trer eg tråden opp i ein krok som står fast i overskapet før eg trer maskina.

traadstativ

Billig, greitt og funksjonelt! Maskina likar at tråden kjem ned frå litt høgde og verken den liggande spoleholdaren eller den ståande likar eg noko særskilt. No når eg har kroken så høgt kan eg sikkert bruke den ståande spoleholdaren i stadenfor koppen; det må eg prøve neste gang.

04 apr

Det er ikkje boss – for meg.

Om du nokon gang har kasta stoffer fordi dei tar opp plass i huset så har eg veldig lyst at du ikkje berre gjer det automatisk neste gang. Eg brukar ein del gjenbruksstoffer og bomull t.d. kan brukast til det meste. Her er innhaldet i ein pose eg fekk no i veka. Har planar for dei mønsterrutete gardinene og stoffet med vårblomstrar på alt!

stoffer

Elles driv eg og lagar gensarar til ungane. Dei har kvar sine ynskje på både fargar og broderi og ingen ting er kjekkare enn når dei har lyst på det eg lagar.

genserbroderi

 

29 mar

Finbukse til minstemann.

Minstemann skal få fireårsbok i kyrkja i morgon og guten er uten finbukse. Det var situasjonen litt tidlegare i kveld. No har eg klipt og sydd og håpar han kan stille i pentøy i morgon. Eg har ikkje fått prøvd på han buksa sidan den vart sydd etter leggetid, men eg fekk sjekka både livvidde og mål til lengde før han sovna.

linbuks linbukse

Eg sydde buksa sammen vrangt mot vrangt i sidene og dekka saumen med eit pynteband på utsida. Lin er såpass stivt at eg ville unngå dei saumane eg kunne på innsida. Bandet var ikkje langt nok så eg måtte jukse litt oppe i linninga og eg vart fornøgd med effekten om eg får seie det sjølv. No håpar eg buksa passar og at guten (som er litt bestemt når det gjeld klede – sjølv så liten som han er) vil ha den på.

24 mar

Dinosaurlue – med ein vri.

Denne er sydd etter mønster på Dinolue i boka «Blødt Børnetøj». Eg har forlenga taggane med omtrent det doble slik at det vart ein hale bak. Minsten syns den var kul, men vi fekk oss ein nedtur då første utgava var sydd med strekken feil veg.

 dinolue

Eg klipte av taggane og brukte på ny lue, dermed gjekk det rimelig raskt å lage andreutgava. Fleecen er 80% bomull og 20% polyester og eg hadde forventa at den var mindre statisk elektrisk og meir bomullsfølelse, men kanskje det kjem seg etter vask (med rikelig med tøyskyllemiddel).

dinopaa

Sidan eg ikkje akkurat er ein racer på strikking får eg vel lov å skryte litt av ei enkel tvåge òg! Bomullsgarn som eg har fått i ei hemmelig venn gave ein gang. Strikka med ein omgang rett og ein omgang 1rett/1vrang. Eg fekk to nøster av dette garnet og driv på med tvåge nummer to. Eit nøste pr. tvåge.

vaskefille

 

21 mar

Påskemoro!

Påske betyr for meg som for mange snø og sol. Når sola manglar så er det kjekt å kose seg inne med mellom anna symaskina. I dag har eg laga ferdig ein genser til mellomsøster. I to ulike typar jersey denne gangen. Burde brukt lysare tråd oppe i halslinninga, men det får så være. Eg brukte litt av eit band eg nett har kjøpt i hus som ein liten pynt nede på gensaren.

genserk

 

Ei veske laga av ein medlem på eit forum eg er på, inspirerte meg med navnet sitt til å fullføre ei veske. Eg begynte på denne for lenge sidan. Den er laga mest for moro, men den går an å bruke og materiala er sjokoladepapir og plast. Naboen har gitt meg nokre sjokoladepapir for å hjelpe meg med å få nok, men eg hadde nok klart meg fint sjølv. Den er ca 25x 20 cm stor.

sjokoveske paaskesjoko

Eg har òg laga eit par med pelstøfler igjen. Lenge sidan sist no. Den nye maskina mi likte tydeligvis ikkje å sy i pels, den nekta nemlig heile tida å hente opp undertråden. Håpar ikkje mottakar studerer tøflene for inngåande inni. Eg får prøve med ei anna maskin eg har i huset og sjå om den må dedikerast til pelssøm. Søte vart dei iallefall, og sjølv om eg har fått litt nok av snø no er det eit greitt underlag for fotografering.

jentesko

 

20 mar

Hekta på klessøm.

Eg har kost meg med å sy klær i det siste. Eg har laga to lange gensarar (tunikaer?) til meg sjølv og så har ungane (les: jentene) fått litt tøy. Kjolen som mellomstejenta har på på bildet er min. Ho har enno ein genser i vente som er ferdig klipt og berre gjenstår å montere.

Eg er usikker på om eg tør å gå utendørs med eigne kreasjonar, men ein må jo ha litt behagelige klær heime òg.

klescollage

Det som er sikkert er at eg lærer mykje av å sitte slik og sy. Kan ikkje heilt forstå kvifor eg har vegra meg for å sy klær tidlegare. Litt ironisk kanskje at eg syr klær for fullt no nett etter at eg har bytta bort overlockmaskina, men eg saknar den altså fortsatt ikkje.

02 mar

Panneband/pannebånd i ein fei.

haarband

Pannebandet på bildet er laga av 51×23 cm jerseystoff og modellen er åtte år. Lengda varierer etter hovudet som skal ha pannebandet og etter strekken i stoffet.

Sy sammen to like sider rett mot rett til ein sylinder – framgangsmåten blir den same enten du startar med kort- eller langsidene, men det er enklast å sy langsida først. I bildeserien er det vist med saum av kortsida først då eg tykkjer dette gjer at framgangsmåten går tydlegare fram. Eg har brukt ein overlocklignande saum på symaskina.

haarband2

Brett sylinderen dobbelt slik at dei to sidene med saumar møtes rett mot rett.

haarband3

 

Pass på å brette unna dei to laga med stoff som blir inni.

haarband4

 

Start å sy saman ved den fyrste saumen. Eg pla starte ca 1-2 cm før denne. Pass på at tøylaga inni ikkje blir med i saumen. Dra fram den innerste delen av pannebandet del for del etter kvart som du syr framover.

haarband5

Sy til ca 2-3 cm før du møter starten på saumen (du vil sjå at eg har større opning på dette pannebandet, men det er unødvendig). Opninga her er den du skal vrenge pannebandet gjennom.

haarband6

Vreng.

haarband7

 

haarband8

Sy saman opninga for hand eller for maskin. Eg syns det blir finast for hand (og ungar er ikkje så nøye med kva side som blir ut når dei tar på seg pannebanda, så difor er utsjånaden litt viktig).

haarband9

Press lett med styrkejarn slik at pannebandet held forma.

Igjen: Framgangsmåten blir den same enten du syr saman kortsidene eller langsidene først, men sjølv føretrekk eg no å sy langsidene først.

06 jan

Fleecelue på morgonkvisten.

Fleece er eit takknemlig materiale å jobbe med, mellom anna fordi det ikkje raknar. I dag tidleg fann eg ut at eg skulle teste ut mønsteret på lue med (1 eller) 2 spissar frå Stoff og Stil. Eg valgte å bruke to ulike fargar polarfleece på spissane og sydde på eit band til slutt over sømmen som vart rundt lua.

fleecelue2

Ser ut som ho er nøgd!

Nisselua som søstera har på har eg laga tidlegare av eit fleecepledd etter dette mønsteret.fleeceluer

My all-english blog is found at http://blog.ohelene.net – please update your rss-feed.

11 des

Bugs!

Vi har fått insekter i huset igjen. Eg er så glad for når det er denne typen insekter betyr det at eg kosar meg med symaskina igjen.

bugs

 

Eg har òg sydd ei lue som skal til ei lita jente eg eigentleg ikkje kjenner så godt. Håpar den passar. Eg valgte å sy den heilt for hand. Koselig med litt arbeide som eg kan ta med i stova innimellom.
1934

Merkelappen har eg laga i PSP og printa ut. Eg sparar på dei små sikkerhetsnålene som er på klær når ein kjøper dei. Her har eg brukt ei slik lita nål og ein liten tråd Moulinegarn, av samme type som eg har brukt på lua, til å feste merkelappen med. Gava blir med eitt eit hakk meir spennande å gi bort. På baksida av merkelappen står det kva stoff lua er laga av og korleis den kan vaskast.

I’m so glad to see ladybugs coming out of my sewing machine again. I really enjoy sewing these days.

The hat is made by hand from wool felt. It’s fun doing things a bit differently now and then. The label is made in PSP and printed at home. I save the small safety pins from clothes I buy. I used one of these safety pins to attach the label together with a string of the same thread I used for the hat itself. Looks mugh nicer than just giving it away unmarked. It has writing on the back telling what fabric it is and how it can be washed.

18 nov

Hjelmlue – Tutorial for a baby hat.

Takk til Elsebeth Gynther, forfattaren av (mellom andre) boka «Barnetøj du selv kan sy 0-4år» for at eg får lov til å legge ut mønsteret på hjelmlue!
hjelm

Modellen her er laga i cordfløyel, men det meste kan brukast. Brukar du skinn, fleece eller ullfilt treng du heller ikkje tenke så mykje på sårkantar sidan desse ikkje raknar. Å… dekke dei inne i lua kan likevel vere aktuelt for å lage lua meir behagelig å ha på. Klipp ut to sidekantar (ein spegelvendt av den andre) og eit midtstykke. Skjær av ca 2m x 3cm av samme stoff til skråband. Kutt på skrå av stoffet.
hjelm1
Nåle sidestykkene på midstykket. Det er ein markering på mønsteret som skal stemme overeins (prikk).
hjelm2
Sy sammen.
hjelm3
Lag skråband (eller bruk ferdige).
hjelm4
Kant lua med skråband. Fyrst rundt halsen, så rundt ansiktet. La skråbandet rundt ansiktet fortsette i nedkant ca 25 cm på kvar side slik at dette blir snor til å knyte lua med.
hjelm5
Fest evt. trådendane i endane på snorene for hand dersom maskina di strevar med dette. Ta deg ørlitt tid til å beundre det ferdige produktet før du tek til på neste utgave.

Elsebeth Gynther foreslår i si bok å lage midstykket i lappeteknikk, eller å quilte lua for å lage den til ei varmare utgave. Berre fantasien set grenser!

I have gotten the permission from author Elsebeth Gynther to publish the pattern for a baby hat from her book «Babytøj du selv kan sy 0-4år» (roughly translated «Make them yourself – Clothes for children 0-4 yrs.»). The book was published in 1977 and is now only available second hand. The instructions for the pattern (following the photos abowe) is like this: 1. Cut out two side-pieces (remember to mirror one) and one middle piece. 2. Pin the side pieces to the middle piece right sides together. 3. Sew the three peices together. 4. Make bias tape (or use ready made) and cover the seam allowance inside the hat. 5. Cover the edges with bias tape. Cover around the neck first, then around the face. Let the bias be about 50 cm longer than the hat and use the extra 25 cm on each side for ribbons. The author suggest patchwork for the middle piece or quilting on all pieces to make a warmer hat. If you use leather or felted materials you dont’t have to worry about raveling. I would still cover the seamallowance inside the hat to keep the comfort.

23 mar

Forklekjole anno 1980

I Alt om Håndarbeide nr 2 1980 var det mønster på ein fin liten forklekjole. Er vi ikkje omtrent tilbake til den tida når det gjeld mote no tru? Eg hadde iallefall ikkje dust på å bruke ein slik på ei lita jente.

The pattern for this combined dress and apron for baby is from an old Norwegian craftsmagazine. The month is February and the year is 1980. I guess the fashion goes in circles. I could dress my kids in this without hestitaing (If they were still small enough). I think it is really cute.

 

Slik vart min versjon av kjolen. Ingen av våre er små nok til å bruke denne no – men vi finner vel ei lita jente som vil ha den. Kanskje lagar eg fleire for salg sjølv om eg brukte nokså lang tid på den. Ein litt større i fargar som pippi sin hadde vore stas!

Here are my version of the apron-dress. I have mentioned before that I like using fabric in one colour combined with patterned fabrics. I think I might make more of these for gifts or for sale – even though it takes me quite some time to make one.

For dei som ynskjer mønsteret er det, som Kimberly skriver i sin kommentar, eit mønster i Ottobredesign som er nokså likt (men den startar på størrelse 86). Nummeret er 4/2004 og kan kjøpast på http://www.ottobredesign.com.

For those of you wanting the pattern I should tell that there has been a similar pattern in Ottobredesign (like Kimberly writes in her comment). You’ll find it in number 4/2004 (winter). You can buy previous magazines at http://www.ottobredesign.com.