19 aug

Hausten er i gang i hagen

Hausten er nok mi favorittårstid. Mine eigne skuleopplevingar var gode, og hausten såleis fylt med gode forventningar. No blir dette avløyst av spenning knytt til våre eigne ungar sine skuleår.

Noko anna som like mykje som dette gjer hausten til ei kjekk årstid er alt som veks og modnast i hagen og i drivhuset. Her er eit lite utvalg av bilder frå når vetlesysta og eg hadde oss ein runde med kamera ute og i drivhuset.

 

07 jul

Hagen i juli

Hagen har fått lide litt under at det har vore «innevêr» i store delar av ferien. Ikkje det at vi har vore berre inne, men å stå og luke eller klippe plen i regnver har ikkje frista så veldig.

Etter nokre soldagar er plenen slått, dei fleste beda er luka og jammen har eg fått flytta nokre planter i år òg. Hostabedet mitt flytta eg i fjor. Før var det langs vegen – ved sida av eit huskestativ. Utsett både for å bli køyrt i av syklar og bilar, og litt i vegen for barnetrakk og -leik. No omkransar det dokkestova som om det aldri skulle gjort anna. Der skal dei få stå til dei kvar for seg og saman blir for store.


Dei lilla blomstene under er så fine. Teflonhjernen min hugsar ikkje kva dei heiter og no er dei snart avblomstra.

Langs gjerdet på nyestykket vårt spirer mange av frøa vi har sådd. Her kjem det ulike typar blomkarse, sommarblomster av ulike slag og til og med nokre solsikker. Dei pleier ikkje bli så høge hos oss – er dei meteren og til og med blomstrar blir vi glade.

Lammeøyra har vi litt ulike plassar i hagen fordi eg har flytta litt på den og så spirer det frå ei rot eller to som ligg igjen her og der. Dei er så fine med sølvglansen sin.

I eit bed under nokre dagliljer står eit ørlite hestekastanje-tre. Der skal det få stå og vekse til eg finn ut kor eg kan plassere det. Om det skal få sjansen til å vekse seg stort må det ha litt luft rundt seg.

 

18 jun

Ny linse

Min kjære har eit Nikon D70 som eg låner når eg skikkelig skal kose meg med fotografering. Orginallinsa som sat på kameraet hadde fått seg ein trøkk og demontering i forsøk på reperasjon resulterte i at den fungerte, men at den var nokså skakk og støvete. Her om dagen bestilte eg difor ei Nikkorlinse 18-200 på Pixmania til nevnte kamera, og no småslest vi om det ;) Han skal få låne det etter kvart, men i dag er det eg som har brukt det – mellom anna ute.

I hagen er det nemleg begynt å blomstre, og sidan plenen er slått (delvis i alle fall) går det til og med an å sjå blomstene. Med solglimta kjem òg lysta til å luke og grave og ikkje minst flytte rundt på planter i hagen.

I dag har mellomstejenta og eg spadd opp eit langt smalt blomsterbed og sådd fleire posar med frø til sommarblomster. Like etter at vi var ferdig gjekk det automatiske vatningsanlegget på (= det begynte å regne igjen). No blir det spennande å sjå kva som spirer og om planen vår om eit frodig bed med masser av ulike blomster i ulike høgder slår til. Vi har sådd solsikker, solhatt, margerittar, ulike asters, papirblomst, ulike blomkarsetypar og ein sommarblomster-blanding.

Kva er det du tar bilder med, og kva likar du best å ta bilder av?

28 apr

Kva gjer vel eit par-tre år til eller frå

Ja det er størrelsen på Nøtteliten-rulle-gensaren eg snakkar om. Sidan den vart litt vidare enn den skulle sjølv om strikkefastheita på garnet stemte sånn ca, strikka eg den litt lengre i bolen enn i oppskrifta. Og sidan bolen vart så lang så måtte ermene få bli litt lengre dei òg. Og enno litt lengre. Ja, de forstår kor det bærer hen.

Men gensaren ser ut som ein gensar skal. Og den er stor og god og slett ikkje i størrelse to år som i begge oppskriftene eg har brukt. Bedre med for stort enn for lite likevel!

Av og til kan det bli fint sjølv om det ikkje blir som ein har tenkt. Gensaren var ein ting, og bilder er noko anna. I dette tilfellet bilder teke med mobilkameraet på min Cyber-shot.

Eg skulle ta eit bilde av lungeurten som begynnar så smått å blomstre, men kameraet var mykje meir interessert i å fokusere på blada enn på sjølve blomsten. Så då får det bli slik. Ein «blurr» blå blomst. Lungeurten på nordsida av huset er i år den som er først ute i hagen min av staudene. Det er heilt utruleg at den klarar å vere i gang alt med tanke på at det berre for eit  par veker sidan låg ein meter med snø der bedet er. Faktisk var det først i dag eg kunne rake siste kvadratmeteren med plen og det etter å ha lempa siste snøen ut på grusen!!

10 apr

Min fyrste sesong i drivhuset

Dette har eg venta på! Å få begynne i drivhuset. No har eg lurt inn straum og vatn og overser at det er ein meter med snø i enkelte deler av hagen. Inne i drivhuset skal nemleg frostvakten passe på spirene som ungane og eg skal lokke opp av pottene.


Straum og vatn – litt sånn midlertidig til vi får lagt det ordentleg inn.

Vi skal så blomster, salat, agurk og tomat. Vatningsanlegg skal eg òg montere.

Løkane har overlevd vinteren i drivhuset og er i full spiring. Ramsløken til venstre kjem forhåpentlegvis etter etter kvart, men om ikkje meinar eg å hugse at det står nokre løkar ute i eit bed (under snøen).

27 mar

Forklekjolar

Eg må innrømme at eg ikkje har sydd så mange forklekjolar på ei stund, men det å ha ei jente på så godt som eitt år fekk fram lysta på ny. I grunn tenkte eg å sy nokre enkle og praktiske smekker, men så kom eg på forklekjolane og tenkte at kanskje det var like greitt å kle henne i slike for å skåne ullbodyar og toppar litt. Som tenkt så gjort.

Den første eg sydde var etter mål frå eit gammalt alt om håndarbeide. Eller eigentleg har eg gitt bort det bladet, så eg sydde den etter ein forklekjole vi hadde liggande – som igjen var sydd etter det mønsteret. Kjolen er sydd i gamle gardiner i bomull og har to sett med knappar på skuldrene. Uheldigvis vart den alt for stor og vid for vetlesysta og sklei av skuldrene hennar.

Så då tegna eg like godt mønster til ein forklekjole som både vart smalare og mindre. Denne sydde eg òg dobbel, men med ei side i eit lett linstoff og ei side i eit nydelig lillafarga bomullsstoff. Den einsfarga sida fekk eit stort broderi av ein sommarfugl midt på magen. Eg brukte knappeskrekk-metoden på denne kjolen.

Kjolen sit fint på og er lett å ta av og på, men den var fortsatt litt stor rundt halsen i forhold til å skulle ta av for søl, så eg tegna på nytt. Tredje kjole fekk knappar på skuldrene og sat som eit skot. Sydd i hhv. einsfarga bomullslerret og eit tynnt mønstra bomullsstoff frå skapet.

Sidan eg har øvd meg på å lage mønster til pdf ved hjelp av denne tutorialen og gratisprogrammet Inkscape denne helga, tenkte eg å prøve å få digitalisert mønsteret på denne siste kjolen. Det eg imidlertid har gjort er å shine opp tekstdelen til tøffelmønsteret mitt litt og tegna digitalt eit par andre mønster i bloggen («Heit-i-håve»-hua og «Bukse med plass til bleierompe«).

Når ein har slikt å gjere på er det nesten greitt at det har snøa kvar dag i heile helga. Hagebladet eg fekk sist veke vitnar om at årstida ser anleis ut andre stader, så for ikkje å komme heilt på hælane har eg tenkt å starte hagesesongen i drivhuset så snart eg kan få lurt litt straum inn der til ein frostvakt.

20 jul

Som om den alltid har vore der

For nokre år sidan bygde eg (og svigerfar) ei steintrapp i hagen. No har eg nettopp vore ute med hagesaksa for å rydde trappa fram igjen frå buskene av mellom anna rogn, nyperoser, bringebær og brennenesle som har gjort at den har vore overgrodd og nesten ubrukeleg så langt i år.

steintrapp2

Trappa er no som ein naturleg del av miljøet i hage. Sidan den ligg så inni skogen er den ikkje så lett å gjengi på bilder. Der dokkehuset står (gult) på bildet frå 2006 (innfelt over) kan ein i dag skimte grunnmuren og golvet til drivhuset mitt på bildet under. Dokkehuset er flytta til andre sida av huset.
steintrapp3

Dei fire veggene på drivhuset er monterte kvar for seg. Til vidare montering må eg ha eit par hender ekstra. Eg har sagt til sambo at det ikkje hastar – for det gjer det jo eigentleg ikkje – men eg må innrømme at eg gledar meg meir enn berre litt til å få det opp.

11 jun

Dr. Westerlunds hälsoblomma (Graveolens)

westerlundsDenne fekk eg som stikling frå ein forumvenn for vel eit år sidan. No står den der så fin og luktar av sitron om eg er borti den.
bladLurer forresten på om den skal vere så lysegrønn eller om den ikkje har det optimalt der den står i sørvindauga mitt og turkar heilt ut mellom kvar vatning.

02 sep

Vi gjer eit nytt forsøk på å lage ringblomstkrem.

Forsøket med å lage ringblomstkrem i fjor vart ikkje spesielt vellukka. Det kan vere mange grunnar til det. Den mest sannsynlege er at vi (eg) ikkje fulgte oppskrifta spesielt nøye. No har vi plukka inn blader og tørka; det gløymde vi (eg) i fjor. I dag blanda vi 1 dl tørka ringblomstblad med 2,5 dl olivenolje.

No skal dei ligge i olje – lyst – i 5-6 veker;  litt kortare tid enn minstemann skal ha gips på foten…

Her skal den stå og godgjere seg i karmen på kjøkenglaser. Den passar godt mellom minstemann sin «storsteinsamling», fjorårets samling av lommerusk og minstejenta si flaske med ekstra fine små steinar.

06 nov

Ringblomstkrem!

Ok – så var det gått både 5 og 6 og jammen var det gått nesten 10 veker sidan vi la ringblomstblader i olje for å lage håndkrem. I dag varma vi bivoks i vannbad.

vannbad

Silte av ringblomstbladene

sile

og blanda det heile til krem.

kremen

Eg testa den med det samme og tja – eg blir litt oljete syns eg. Men eg klør ikkje. Den luktar mildt og godt og den føles godt. Neste år får vi bruke oppskrifta litt meir nøyaktig så blir det nok enno bedre. Tusen takk Sol for at du skaffa oss bivoks!

Ungane har lyst å gi vekk krem i julegave så om det er nokon potensielle mottakarar som leser dette så får de heller spele overraska når de pakkar opp *he he*

 

Hand Cream from olive oil, Calendula leaves and beeswax! It was fun making it, and the kids want to use it for Christmas presents. I trust potential recievers to act surprised even after having read this. *lol*

30 sep

Siste septemberdag

margeritter

September er straks slutt og hausten er definitivt her. Margerittane blomstrar likevel fortsatt sammen med gladioler, ein og annan anemone, ringblomster og solsikker.

I dag var ungane og eg på fotosafari for å prøve å fange hausten, men enda opp i skogen under huset der gøymespel, huske og trehytta var meir spennande enn fotografering.

ute

Naken jomfru står blomstrande i bedet (sammen med ugras – luking har ikkje vore prioritert i den kalde sommaren/hausten).

nakenjomfru

I glaskarmen på kjøkenet ligg tomater som er redda frå frostnatta. Dei forsvinner etter kvart som dei blir modne, men er flotte å sjå på òg i mellomtida.

tomater

31 aug

Gult er kult!

At gult er kult er ein ting som mange ikkje er einig i når det gjeld hage. Eg derimot likar godt den lysande fargen som gjer litt av seg i bed og krukker.

gul1
(Bildet over er mitt august-bidrag i naturfotosamknipsinga).
ringkrem1
Ringblomstblader

I dag har eldstejenta og ei venninne plukka ringblomstkronblader for å lage hudkrem. Oppskrifta har vi frå «Ida og Martin – Gartnerskolen». Det blir spennande å sjå om vi klarar å overraske nokon med ei lite krukke krem under juletreet slik som planlagt.

ringkrem2

Som du ser av oppskrifta skal krukka no stå 5-6 veker lyst. Eg ser at vi skulle ha tørka bladene fyrst så eg trur eg skal ta ein diskret ombytting med tørre blader – eller kan det gå bra likevel tru?

ringkrem3 ringkrem4

Ikkje sant gult er kult!?

Our eldest daughter is trying to make a moisturizer from Calendula. We forgot to dry the flowers first so I guess we’ll have to make a new one another day – or will it work out anyway?

I don’t agree with some of my fellow Internet-garden-friends that try to avoid using yellow in their gardens

27 aug

No er hausten her!

Ripsbusken er tømt og bæra fortært

rips

ringblomstene held stand og har enno knoppar som ikkje er i blom

trestadier

og utenfor terrassegjerdet kan eg sjå rødmande tomater som eg veit smakar mykje bedre enn dei du kan få kjøpt. Eg veit det for eg smakte nemleg etter at eg tok bilde!

tomatwl

Glimpses from our august garden.

25 jul

Gratulerer med dagen store lille jenta!

7 år i dag – eller i kveld som du seier sjølv. Du har fått fortalt at då mamma var utålmodig under fødselen sa jordmor at ho trudde du kom til å nå barnetv. Og det gjorde du. 17.47 vart du fødd på ein strålande solskinnsdag i 2000. Eg er så stolt av deg gode jenta vår! Sjølv reknar du deg som nesten vaksen og eg prøver å hugse på å ta vare på kvardagane så du ikkje får rett heilt med det samme. Håpar vi klarar å gi deg ein fin bursdag! (Ho likar epler kjempegodt – kunne ete det heile dagen så ein av gavene er eit eige epletre!)

Happy birthday my lovely little girl! You think you are almost grown up now but I am going to concentrate on making the childhood worth the waiting. The time travels fast enough as it is. Did I mention that I am very proud of this little girl and that I love her!? (She likes apples most of all and could eat it all day long – now she’ll get a three just for herself for her birthday).

11 jun

Hysj kan du høyre at graset gror?

 

Hysj, kan du høyre at graset gror?
Hysj, kan du høyre ein meitemakk som lo?
Hysj, kan du høyre ei bille som sang?
Då skal du seie kvar einaste gang:
Hei alle insekt og alle små dyr,
alle som krabbar og kravlar og kryr!
Eg er eit menneske og eg er snill,
Vær i min hage så lenge du vil!
(Eivind Skeide)

02 jun

Tar du den så tar du den.

Eit av årets store høgdepunkter! Urte- og staudedagen på museet «vårt». Hagelaget arrangerer plantebyttedag der du lever ei plante (frå hagar uten Iberia) og får velge deg ei anna plante til å ta med heim. Vi hadde veldig mange menneske innom og eg fekk tak i nokre godbitar sjølv både frå byttebordet og frå planteutsala.

Eg bytta til meg:
Smågullkorg 
2 Geum (håpar dei er raude eller orange) 
Stor Valmue
Raud stikkelsbær (gammel type)
Svarthyll
Agurkurt
Fagerfredløs
Pepperrot
Slirekne
(og kjøpte i tillegg fleire planter både frå museet, hagebruksskulen i Aurland og Plantetunet)

Heime i hagen blømer det etter kvart både her og der og eg kjenner det kriblar i kroppen i takt med den vaknande naturen.
Nye aurikler av dagen!  Rosa og struttande Geranium.

Rhododendronen er ute i full blomst og den rosa fargen er sporlaust vekke.
Mitt bidrag for denne veka i naturfotoalongen.

Fyrste blomsten er komen på den nye rosa vår  Min eigen urtekrukkesamling: Ramsløk, Pipeløk, toppløk, oregano og grasløk.

I have spent most of the day at our local museum attending the annual trading of plants by our garden society. I myself got some interesting plants and some I just got because I don’t know how to say no. There were two different producers of ecological plants there too so I even got to spend some money. A Tomato plant, two different Day lilys (old traditional plants from this area) and some other yellow and orange/red plants for my new boarder came home with me amongst many others.

28 mai

Blomsterbed med liv i.

Formiddagen i dag gjekk med til å få på plass siste steinane rundt kanten og å tømme jord i bedet. Etterpå vart det henta gule planter frå andre stader i hagen. Gullkorga ser litt tufs ut, men eg håpar den klarte flytting midt i blomstringa (vente? – kven eg?). Elles i bedet er Gul Lerkespore og ei oransje valmue. Eg har sådd raude Solsikker nokså tett i midten. Dei kan bli opp til 180 cm høge, men eg håpar dei begrensar seg litt. Ved sida av solsikkene har eg sådd Ringblomster og satt ned nokre kvite alpeasters.


God hjelp!

Når eg surfar rundt i andres hagebloggar blir eg så imponert over reine utstillingane med rustikke gjenstander, blomster og ingen uønska element. Her hos oss får det meste eit innslag av barneleik som her og kva er vel meir naturleg når familien består av fleire barn enn vaksne!
 

Finished! My daughter helped me put all the soil in place; we needed 9 bags of it! We have put in place Doronicum orientale (with its heads hanging a bit), Pseudofumaria lutea and an orange Papaver. I have also planted some seeds of Calendula officinalis and red Sunflower «Red Sun». Some white Aster alpinus are also in place and I don’t think I will have problems filling up the rest of the space eventually.

The last photo is my version of a garden design. I have many garden blogs on my favourites list and many of the photos looks soo well planned and stylish. I guess my garden (and by that my photos) will continue to have elements of children and childplay in them and I think I can guarantee my garden will never look untouched and perfect in any way.

27 mai

Eit nytt blomsterbed.

Eg har lenge tenkt å gjere noko med framsida av huset. Lage nye bed og pynte på overgangen mellom singel og plen. Sidan vi har ein del anleggstrafikk forbi for tida tør eg ikkje begynne der eg helst vil – i tilknytninga til det nye vegkrysset, men har begynt på eit nytt bed nærmare huset. Her har vi eit lite svaberg opp i dagen; eit svaberg som berre voks og voks ettersom eg prøvde å grave meg rundt det.


Utgangspunktet


Planlegging og påbegynt graving.


Status ved avslutta arbeid i kveld. I morgon må eg rundt på tomta og leite etter meir stein til å ha rundt kanten. Eg lurer på å lage eit gul/raudt bed. Gullkorg, sommarblomster som ringblomst og kanskje blomkarse, kanskje litt kvitt innimellom. Trur det kan bli fint mot det gule huset vårt.

I am trying to improve the welcoming to our home. Now it’s almost only grass and stones – but soon I hope to be able to plant some flowers here too. It was hard work and I still have to search for more stones to put around the edge. I am allready planning what flowers to put there. Just now I am thinking yellow and red. I think that might look fine against our yellow house.

20 mai

Hagelag på hagedag.

I går i øsande regn var eg såvidt innom hagelaget sin hagedag på planteskulen. Ungane var med og dei fekk kvar si rose. Eg plukka ut ei skjermgran som er komen i jorda – førebels ikkje så stor (ca 60cm) men eg har satt den ein plass den kan få vekse fritt (har ikkje tatt bilde av den). Ein klatrehortensia kom òg i korga, fyrst med tanke på klatring på ei furu, men eg endte opp med å plante den langs muren. Håpar at den klarar å finne feste der og at den kan lyse opp litt i all den grå steinen. Det begynnar å bli fine fargar rundtom i mange av beda òg no.

I have been shopping plants. First a Sciadopitys verticillata wich I have placed in a roomy spot. Hopefully it’ll grow to be a big three. Second (or really at first but you get the idea) three different roses for our three different kids. They accompanied me on my shopping and I had allready promised them a plant each. The last plant I got was an Hydrangea (bottom photo) wich I hope will climb on and cover up some of the grey rocks in front of our house.

20 mai

Naturbilde – veke 20

Ein Rhododendron eg fekk som avleggar i fjor er komen med sin fyrste knopp. Alltid like spennande å sjå kva som kjem ut av ein stor eller liten blomsterknopp. Bildet er eit utsnitt av det orginale bildet.

My weekly contribution for the Nature Photo «Knitalong».

02 mai

Små spirer av ulike sortar

I dag har eg prikla månedsjordbæra med god hjelp frå eldstejenta vår – ho fylte i jord i pottene og eg flytta plantene. Sjølv om eg ikkje sådde alle frøa i pakken vart det veldig mange planter. Grillformer frå matbutikken og tom tomat- og drueemballasje vert til saman nokre slags minidrivhus.

Ã… komme over minstemann mens han driv med potter og jord i hagen varmar ei hageivrig mor sitt hjarta. Ã… vatne er vel likevel fortsatt den kjekkaste aktiviteten, men ofte veldig kortvarig før han enten har spylt ned heile seg sjølv eller ei tilfeldig forbipasserande (!) syster.

Eg driv og gjer om på eit par bed og grasløken, toppløken og eit par andre har fått kome opp i krukker før dei evt. kjem tilbake i ein slags kjøkkenhage. I eine krukka spirar det ein ukjent liten venn – eller uvenn? Der den står er den uansett nokså ufarleg og lett å kontrollere så den får stå inntil vidare.

29 apr

Mi barndoms bygd.

I dag har vi vore ein tur heimom. Til heimen og garden der eg vaks opp sammen med søsken, kattar, kyr, ein og annan grisen og eit par kaniner (som eg mins iallefall overlevde ein heil sommar). På vegen stoppa vi ved det relativt nye fugleobservasjonstårnet. Eit bygg som med sin spennande arkitektur er verdt ein stopp òg uten kikkert for fugleobservasjon.

Det blir sagt at tårnet er tilrettelagt for rullestolbrukarar, men det er berre delvis tilfelle for toppen var sperra av eit stort «vegvesenbord» som eg ikkje kan forstå at det går an å kome forbi rullande. Litt bosplukking hadde òg gjort seg utanfor. Vi får skulde på at turistsesongen ikkje er heilt i gang og håpar at nokon ordnar opp.

Lyset slår inn på ein fantastisk måte i det særeigne bygget.

Frå hagen hennar mor fekk eg med meg ein rotdel av denne planta som eg meinar må vere ein type lungeurt.

27 apr

Hagen vaknar til liv, og det blir tettare mellom vårteikna.

På dagen i går kunne eg sjå skilnad på Lungeurten frå om morgonen til om kvelden. Den er så spesiell med blomstene som går frå det nesten raude til det blå på ein og samme blomst. Dette er i signaturlæra tolka som eit tegn på at planta er retta inn mot lungene sidan skiftet frå raudt til blått på blomsten symboliserer skiftingen i blodet.

Syrinane som eg planta i fjor står med bristeferdige knoppar.

På samme plass som dei lilla syrinane er det tydelig lunt og med si sørvendte plassering er blomstene tidleg ute. Joggesko på ungane sine føtter er òg eit fint vårteikn.

Til slutt oppdatering på Steviaen. Den veks og trivest. Det er med ærefrykt eg ser at eg snart må prikle den. Det skal vel gå bra det òg. Håpar på å få ein god del av plantene til å vokse opp – då skal dei få bli med på urte- og staudedagen vår 2. juni.

15 apr

Hagen har prioritet

Det blir sydd lite i heimen for tida, det einaste måtte vere øydelagde glidelåsar og eit og anna hol på ei bukse som blir reparert. Med så fint vêr som vi har hatt dei siste dagane har vi nesten budd ute. Ute i våren!

Påskeliljene har òg hatt godt av varmen siste dagane og har falda seg heilt ut. Kjekt med litt farge på den grå terrassen.

Inne i vindaugskarmen spirer månadsjordbær og Stevia (til høgre).

We have finally had some nice and warm sunny days and the plants trive both in- and outdoor.

07 apr

God påske!

Vil med dette bildet få ynskje alle som stikker innom her ei god påske. Eg trudde det var vår og hadde visst heilt gløymt korleis det er å bu på 300 moh inne i ein vestlandsfjord. Snø i april er meir vanlig enn uvanlig, men påskeliljene taklar det heilt fint.

I wish you all a Happy Easter!

07 apr

Naturbilde – veke 14

April og snø, men krokusane viser at det er vår! Sjølv sommaren med all sin blomsterprakt og farge sliter i konkurranse med desse flotte Krokusane som lyser opp i det grå bedet tidleg om våren.

Dette bildet blir mitt bidrag i veke 14 i naturbilde alongen.

It’s april and even though we woke up to 5 cm snow this morning I know it’s spring! Just look at the Crocus!

 

31 mar

Hagedag i stein

I dag i finværet har eg lempa stein i ura til fingrane vart blå (og raude) og ryggen gav ein liten ulyd. Håpar eg berre har strekt strikken ørlitt for langt og at det går over av seg sjølv. No har eg jobba meg tre-fire meter bortover frå steintrappa mi. Resultatet er at det går an å gå der. Fyrst har eg lagt opp ein liten haug med runde stein som eg lurer på å la være slik eller la gro over med steinbedsplanter. I nærleiken der har eg latt stå opent eit  plantehol på ca 40 cm i diameter /ca  60 cm djupne som eg må finne noko stort og lurt å plante i. Tar gjerne imot gode forslag på kva eg skal velge. Lurte sjølv på eit morelletre om det fins sortar som pollinerer seg sjølv (eller vi får sette opp eit til ein stad i nærleiken) eller noko anna som gir litt skugge og farge.

Planta/treet blir ståande i utkanten av ein liten platning på kanskje 2½x2 meter som eg er bortimot ferdig med.  Trur jammen det vart slett nok til at det skal gå an å sette opp ein benk der òg. Iallefall dersom eg tar høgde for å måtte legge noko under eit bein eller to for å få den til å stå støtt. Det var så langt eg kom i dag. Ungane gav jobben godkjent sidan det gjekk an å sitte og dingle med beina frå platninga (som altså er i stein) og syns det var benk meir enn god nok (når eg fortalte at eg ville få tak i ein benk til å ha der).

Her er eit «før»-bilde frå sommaren 2004 av ura eg driv og baksar i. Skal prøve å få teke eit bilde frå nokonlunde samme vinkel når eg har fått jobba litt meir.

A day in the garden – it rocks!

I have four blue/red fingers and a sore back but I’m very satisfied with what I have done so far. The photo was taken in 2004, but besides the shed beeing finished not much have been done in this part of the garden in the meantime. I hope to show you a photo showing progress some day soon.

28 mar

Planane er iallefall i orden!

Eg har mange store (arbeidskrevande) planar for hagen og tomta. Berre sjå på skråninga/muren ned til naturhagen vår. I fjor fullførte eg (med litt hjelp av svigerfar) ei trapp ned på høgre sida av muren. No har eg lyst på ei trapp som skal gå ned litt til venstre for midten av terrassen (tru om det lar seg gjere?). Midt framme har eg tenkt å velte på plass stein slik at eg kan få eit stort (!) blomsterbed langs heile framkanten og til høgre nede på tomta har eg tenkt ut plass til eit drivhus. Eg treng ikkje vere uroleg for å få for mykje ledige stunder denne sommaren heller. Dersom noko av dette skulle bli fullført, eller som variasjon, har eg òg idear om eit jordbærfelt, ein enkel utepeis/-grill og så var det alle skudda av rognetre som eg skulle fått gjort noko med og… og…

Eg har mora meg med å lage ein enkel manipulering av bildet før og no. Håpa å kunne vise litt undervegsbilder i løpet av sommaren og hausten.

Eg treng forresten eit stort lass med jord for å kunne lage fleire bed – men det tar vi som ei utfordring.

Time for gardening.

I have great plans for our garden. Maybe even some unrealistic plans whom I file as dreams. I have made an photo of three major changes I hope to be able to do. I have some doubths about the stairs, but after having buildt one before I will at least give it a try. I can always make or have it made in wood if it’s impossible to build it from stone.

20 mar

Påskegave

Min hemmelige venn på Ringblomst har gått heilt av skaftet og sendt meg den perfekte gava!! I dag ringte det på døra og blomsterbudet stod der med den nydeligaste oppsatsen av gule blomster og kalaer (trur eg; blomsternavn er ikkje mi sterkaste side). Når eg hadde løfta oppsatsen ut på bordet hogg eg tak i det lille kortet som låg ved for å sjå kven dette var frå. Ikkje var det bursdag eller noko (tenkte det kunne vere i høve treårsdagen – men det passa liksom ikkje heilt). Frå din hemmelige venn stod det!

Nede i posen låg det meir. Eit gavekort på masse krontasjer frå hagesenteret! Det skal bli til planter i hagen min til våren. Dvs. trur eg skal bruke det på EI eller TO store planter så eg kan hugse kor det kjem frå. Kanskje eit frukttre. Inntil vidare veit eg ikkje kven det er frå men eg håpar å finne ut kven eg kan takke når det blir tid for avsløringsrunde.

I have recieved a beautiful gift from my secret friend at Ringblomst. Flowers and a gift-card for flowers (from the flourist). I hope to find out who she is so I can thank her properly!

19 aug

Blåbær? Kva blåbær?

 

Eg hadde EITT blått hageblåbær på busken min her om dagen. Hadde; for med det samme denne unge dama oppdaga det var det borte. Kanskje eg får smake eitt av dei andre når dei blir modne?

The single blue american blueberry on my bush disappeared the moment this young lady laid her eyes on it. I think it was good though. I got to taste on or two last year. I still have hopes for getting to taste one or two oft the last ones not ready to be eaten yet.

Denne veska er forhåpentlegvis komen fram til eigaren sin no. Det er moro å lage slike thaivesker og denne kunne eg godt tenkt meg sjølv. Neste veke skal eg prøve å lage to til som eg har bestilling på. Eg får imidlertid ikkje sydd på mandag for då er det skulestart for vår eldste. Ei spennande tid; kanskje vel så mykje for mammaen som for jenta sjølv.

Another thaibag for a buyer. I hope to make a few more the coming week – I just have to spend som time getting our eldest into rytm at school (getting used to taking the schoolbus and getting up early is my main concern) and our youngest into kindergarden. Maybe it’s me who needs the longest time to get used to the new things.

12 aug

Smak av sommar!!

5 minutt i bil (eller vel ein time til fots) har vi mengder av blåbær. Vi har hatt fleire turar dit i år og vår eldste begynnar å få teken på plukkinga. Dei andre to ender stort sett opp med blå hender og trut og minstemann et helst det dei andre plukkar – til stor ergelse for enkelte. Men moro er det – og ingen ting smakar jo så godt som det ein plukkar sjølv. I hagen har vi også ein del blåbær i tillegg til ville bringebær og markjordbær (som det er slutt på no).

At the mountain (5 minutes driving – or an hour walking from my house) we can pick blueberries as much as we like. The kids mostly end up blue and with empty cans, but our eldest are getting good at picking also. Nothing is like eating the fresh berries you’ve collected yourself.

30 mai

Gøy på landet – Living in the countryside

Her om dagen ville ungane male og då var det veldig greitt å kunne sende dei utendørs. Eg er ikkje så veldig god på å takle seks hender fulle i maling på vandring rundt i huset…

Men ute kosa dei seg og kunne gjere ferdige prosjekta sine. Berre avbrutt av pappa i huset som måtte ha dei med for å sjekke fella.

Jammen var det fangst også, men dei to minste sprang avgarde og ropte «Ingen mus i fella!» for det er det jo vanligvis – ikkje snakk om at dei oppdaga musa sjølv på 20 cm avstand. Det er både positive og negative sider ved å ha skogen heilt inntil huset!

Living on the countryside is a great thing when it comes to fresh air, the scenery, the kids ability to play outdoors and so on. But with the forest as the next neighbour we also get little creatures in our walls. Creatures I could do without!

21 mai

Plantebyttedag

I går var det den årlege urte- og staudedagen ved det lokale museet. Hagelaget der eg er medlem arrangerer samtidig plantebytte for alle som ynskjer (og som ikkje har brunsniglar i hagen sin). Eg hadde med 9 ulike planter i litt fleire potter (fleire eksemplar av nokre) og kom heim med mange nye planter. Ei kjøpt og resten bytta! Treng eg seie at eg var strålande førnøgd.

Eg bytta bort:

Fjellflokk
småhjarte
tidløs/naken jomfru
gullkorg
aurikkel
iris
Ei blålilla som eg ikkje hugsar navn på og ei plante som dannar små puter som eg heller ikkje hugsar navnet på. Planta på bildet hadde eg ikkje med for den er eg usikker på om er ein kultivert eller ukultivert plante. Fin og villig er den iallefall.

Dei nye plantene mine er:

Gul lerkespore
To ulike liljer (ei blå og ei guloransje)
«Kyss meg over gjerdet» /Gul solhatt
Bergknapp (hadde eg denne frå før tru?)
Kosakkveronika
Fleire ulike knollar med jordskokk
Agurkurt
Tomat (Super sweet)
Fagerklokke
Rosestorknebb

Den eg kjøpte var ein fleirårig nellik som skulle vere frå Pasvik. Skulle vel klare klimaet her hos meg på 300 moh får ein tru.

I attended a plant-trading day yesterday. I got 11 new plants. Traded and bought. I didn’t trade the one on the photo as I don’t know wether it is a garden plant or one from the forest.

18 mai

Steingal…

Viss det er ein ting eg har nok av i hagen min så er det stein. Eit kjekt materiale å halde på med, og så får ein berre finne seg i at det av og til blir for tungt eller at ein av og til får nokre blå tær og fingrar. Denne trappa har eg bygt nesten heilt sjølv. Eg har fått hjelp til eit par trinn midt i.

Før eg flytta hit var det ingen ting der trappa er no. Dungen av stein og jord som er underlag for trappa er avfallet frå rydding bak garasjen der eg held på å lage meg eit lite hagerom. No manglar eg berre dei to-tre øverste trappetrinna. Far til sambuaren min har jobba litt med å lage støttemur til fyllinga mi i dag og det spørs om ikkje han har seg ei økt til mens eg er på jobb i morgon.

I have made this stairs over the last two years with a little help on a few steps in the middle by my boyfriends father. The last two or three steps are still missing and will be part of this summers project. The pile of stone and mud which makes the base of the stairs are waste material from my project behind the garage (my oacis…)

17 mai

Hagetid – Springtime in the garden!

Eg har brukt mykje tid i hagen om dagane. Kanskje det er bra å vere litt utan nett tross alt ;) Eg graver, bygger med stein og puslar om plantene mine. Ei plante som eg er spesielt spent på i år er ein (eller eigentleg to) alpeclematis som eg har plata bak huset i det som skal bli min eigen hagekrok. Her ser du kor den voks i ei veke illustrert med bilder tatt med to dagar mellomrom. Desse dagane var det slik spurt i plantene mine at eg kunne ha vedda på at eg såg endring frå morgon til kveld!

My clematis from at day 1 – 3 and  5. The nice warm weather in the beginning of may really made my plants grow. I’m really looking forward to seeing this one in full bloom this year. I didn’t get any flowers last year when I bought it.

30 apr

Såtid – Prepearing for the planting season.

I går sådde eg frø til solsikker og månedsjordbær sammen med dei to minste. Eldstejenta var på besøk hos ei venninne så ho fekk ikkje vera med, men dei to minste var ivrige både med å flytte mold og med å vatne. Blir spennande å sjå om vi klarar å få solsikkene til å blomstre i år. No står solsikkene i glaskarmen i stova til spiring og jordbærpottene har eg gøymt i eit skap – for dei skulle stå mørkt.

Yesterday we put seeds for sunflowers (red and yeallow) and strawberries (a small type that gives berries for a long period of the season) in pots. I’m really looking forward to the weater getting warm enough to plant new plants outside and starting to move my old ones around *lol*

25 apr

Vårtegn

Endeleg ser det ut til å vere vår her hos oss også, sjølv om vi seinast for ei veke sidan hadde 15 cm nysnø. Det er så ein kan sjå plantene i beda bli større frå om morgonen til om kvelden. Denne tida likar eg best av alle. Ã… gå og ruske i beda mine – flytte på plantene (dei får aldri stå lenge i ro) flytte på steinar og luke ugras. I år har vi (les: eg) planar om jordbæråker sammen med ungane. Plast er innkjøpt. Planter har vi rundtomkring i blomsterbeda pluss at vi nok kjøper nokre nye livskraftige. Det er så ein kan kjenne at pulsen slår litt raskare.

Ungane trivs også godt no når snøen er borte, joggeskoa kan brukast og naboens trampoline er komen fram.

I love the spring! We had 15cm snow over the night last tuesday – but now it’s spring! Seeing the plants grow from morning till night, digging and making room for new plants, it all just makes my heart beat a little bit faster. This years plan is a strawberry field. 

My kids like the fact that they can wear sneakers instead of heavy winterboots and use their bikes and tricycles again.