20 sep

Smykkelaging

Handarbeidet mitt for tida er ringsmykker. Eller rettare sagt armband. Dette i sølv er eldstejenta mi sitt, og det andre skal ein kollega ha. Må berre få laga ein lås først, og det har eg ikkje prøvd meg på før. Kjedene er ikkje perfekte, men eg kosar meg med å lage dei, og spesielt kongekjedet er heilt fasinerande å lage og sjå mønsteret vekse fram på.

Kongekjede/Chain of Fools/Bysantinkjede:
OLYMPUS DIGITAL CAMERA
Dobbelt ankerkjede:
OLYMPUS DIGITAL CAMERA

Og her er verktøyet eg brukar:

OLYMPUS DIGITAL CAMERA

06 mar

Kongekjede med o-ringar.

I England kallast dette mønsteret “chain of fools” I Sverige heiter det “Stenebykjedet” og i Mexico finner du det under navnet “Inkaknute”. Dette leser eg i boka Smykker du kan lage selv, av Ingrid Lie som òg står bak Smykkemakeren.no.

Eg fekk post frå nettopp Smykkemakeren i går, og eg starta med bronsetråd og o-ringar.
waieroring

Ved å rigle tråden (1 mm tjukk) opp på ein dor med rett tjukkelse (i dette tilfellet ein 3,5mm tjukk strikkepinne) blir det danna ein spiral. Når ein sagar opp denne får ein øskjen, opne metallringar som ein kan lage smykke av. Det gjekk ein del sagblad før eg forstod heilt gangen i det heile, men jammen er det moro.
kongemedo
Desse fargane er mykje meir meg enn det klare sølvet (heldigvis vart det forrige eg laga adoptert av ein kollega på jobb). I boka står det forklart prosessen med å oksidere sølv så ein kan få solvet både brunt, raudt, blått eller svart. Ikkje sikker på om eg tør å prøve meg på det (med illeluktande væsker) men spennande er det iallefall. Eg har jo tross alt naturfaglinja frå vidaregåande…

28 feb

Ringsmykke.

På måndag var eg på medlemskveld i husflidslaget og lærte å lage ringsmykke – ein type iallefall – av ei anna av medlemene. Det var skikkelig moro og smykket vart faktisk fint om eg får seie det sjølv. At det er litt skarpe kantar her og der får så være, det er tross alt fyrste gangen eg gjer dette.

kongesmykke

Eg har alt bestilt meg metalltråd og rigleapparat for eg har lyst til å prøve dette meir. Blankt sølv er forresten ikkje heilt meg så eg tenker bronse kombinert med t.d. skinn eller gummiringar på neste utgave. Dette får bli gave til ein eller annan.