UFO-jakt

funderer, kreerer, knipsar bilder og nyter livet

UFO-jakt

Denne veka har eg rydda litt på syrommet mitt (så no ser det berre passelig rotete ut) og samtidig jakta litt på UFO-ar = UFerdige Objekt eller opprinneleg UnFinished Objects.

No har eg fått sydd sålar på nokre strikkatøfler som eg bytta til meg for *mumle* år sidan, sydd nytt innertrekk på ei velbrukt pute, stramma strikken på eit bleieomslag og reparert eit bordtennisnett til gutungen. I tillegg har eg heva eine bordet på syrommet slik at det no er i passe ståhøgde. Har sakna eit skikkelig bord til skjæring/klipping, men så kom eg på at eg jo har stillbare bein på eine bordet mitt og då var det fort gjort å endre høgda på det.

Kva skal eg ta fatt på no då? Vetlesysta skulle hatt nye tøfler i barnehagen og har rikeleg med andre UFO-ar som eg kunne ha prøvd å fått ferdigstilt.

Men det er  jo alltid kjekkast å starte på noko nytt ;)

One Response

  1. Anna GL sa:

    Det er mitt problem også – at det er så gøy å starte på noe nytt! I løpet av våren må jeg få ryddet ut av syrommet mitt, så jeg håper virkelig jeg kan få nok ro på meg til å få ferdig en stor haug med uferdige prosjekter. Lykke til! :)

Legg att eit svar

Epostadressa di blir ikkje synleg. Påkravde felt er merka *