17 okt

Sy tøfler?

Kulda set inn og eg vurderer å opne for å sy nokre få (2-3-4?) par med skinntøfler på bestilling. Er det noko som kan vere av interesse? Prisar frå kr 260,- (for minste størrelse i skinn). Tillegg for enkelte dekorasjonar som navnebroderi etc. 

toefler martesko bugs

Om du klikkar på menyvalet tøffelgalleri over her kan du sjå nokre andre av tøflene eg har laga tidlegare. Ta kontakt for informasjon om tilgjengelege fargar og prisar. Første mann til mølla!

18.10.14: Fire bestillingar mottatt, og tusen takk folkens! Stengt for bestilling igjen inntil vidare :)

29 sep

Gjenbruk av dongeri, frå bukse til hatt(ar)

Eg har vore så heldig å få nokre dongeribukser både her og derifrå. Sist frå svigerinna mi på andre sida av fjellet. Ikkje det at det er så kort tid sidan akkurat, men av og til må ting modnast litt før planar blir sette ut i livet. Dei som følger meg på Instagram (ohelenesyr) har sett desse hattane før. Hattar er ein ny erfaring for meg. Dei rundt meg her heime gir tommelen ned for stilen og meinar dette er mote for forrige århundre, om nokon gang, så då er det greitt å kunne vise fram og hente tilbakemeldingar gjennom blogg og facebook. Sjølv syns eg dei både er kjekke å sy og litt stilige å sjå på.

gjenbruk av dongeri

Her har det gått med store delar av buksebeina på ei bukse til dei to første hattane, og litt frå ulike bukser til den siste. Alle er i vaksen størrelse (frå ca 56/57 og oppover), så om det er nokon som er einige med meg i at dei er stilige og har lyst til å kjøpe dei må de berre ta kontakt!

Tøflene under har eg òg laga sidan sist blogginnlegg. Eitt i pelsskinn (sau) og eitt i rosa møbelhud men med såle av samme pels (men i raud). Det siste paret vart til berre fordi eg hadde denne bil-applikasjonen liggande frå ein eller annan gang tidlegare. Dei brune har blitt gitt bort og passa forhåpentlegvis den vetle sogningen som fekk dei.
2014-09-15 14.01.39

09 sep

Litt barnehagesaum og actionbilder av gårsdagens bukse

Eg har pusla med litt syarbeider i dag òg. Tøfler til barnehagen må til og dei fekk visst køyrt seg med det samme ute i sandkassa (ut med pappaen ja). Så vått som det var i graset dag vart ho både litt våt og kald på føtene til slutt, men det heldt lenge. Så ingen kan seie at dei ikkje er skikkelig testa i alle fall. Buksa som eg sydde i går gjekk med i same testen. Funkar godt både til traktorkøyring, sandkassegraving og anna moro.

I går sydde eg forresten òg ei jerseylue med ullfôr. Den er berre ein litt større størrelse av lua eg har sydd tidlegare etter eige mønster (eit mønster som eg visstnok hadde tenkt å dele – skriver opp digitalisering av mønsteret på to-do-lista). Vetlesysta meinar forresten at om katten kan drikke av sølepyttar når han er tyst, ja så kan vel ho òg gjere det!?

12 jun

For 1500 kroner i garn!

Eg skal fortelle om den o-store-garnhandelen, men først vil eg vise fram nokre skinntøfler som eg har sydd siste dagane. Dei med navn på er forhåpentlegvis snart framme hjå sin nye eigar medan dei tre andre er ledige på markedet. Innermål hhv 11cm (lilla) og 12,5 cm (beige og burgunder). Vetlesysta som er 15 månader snart brukar tøfler som har 12,5 cm fotlengde no.

Buksa som tøflene ligg på er den samme som eg har vist fram her. Eg valgte å sprette av kanten nede og sy den på igjen som ribbekant. Nokså mykje meir praktisk, men kanskje ikkje like stilig. Her har det ført til at buksa har blitt brukt mykje i kjølige sommardagar og eg likte veldig godt korleis den vart sjåande ut.

Og så til garnhandelen. I går fekk eg garn frå svigerinna mi for heile 1500,- kroner! Herleg farge og mjukt og godt.

Pinne nr. 3-4 – 300m/50 g og eg har fire buntar.

1500,- kroner blir forresten ikkje heilt rett – KronUr er meire rett sidan handelen føregjekk på Island. Når man så regnar om til norske kroner har eg forhåpentlegvis ikkje ruinert henne heilt. Eg skal pønske ut eit eller anna ho kan få i bytte, og sidan ho får seg nytt hus etter kvart må det vel vere bruk for eit eller anna sydd der. Garnet skal få bli ein vest/topp (baby i rib eller nonstop kanskje) til vetlesysta – trur eg. Eller kanskje ein kjole/tunika etter inspirasjon frå det nydelige plagget Blomsterpiken har laga.

Kva syns du eg skal strikke av garnet?

31 mai

Tøfler igjen

 

For fleire dagar, kanskje til og med veker, sidan skar eg opp pelsskinn til fleire par tøfler. Eit skulle vetlesysta ha, og nokre skal eg bruke til fødselsgaver. Nokre par har eg lova, og til og med ei bestilling og to her lokalt har eg tatt på meg – det som pleier ta livet av all sylyst. Men det ser ut til å gå bra denne gangen. Muligens fordi eg berre syr det eg har lyst til innimellom uansett. ;)

Eg har endra litt på designet på pelstøflene og blir meir og meir fornøgd med dei. Opprinnelig sydde eg pelstøflene med ei list rundt hælkappa og ei list over vrista. No har eg gått bort frå begge desse to listene og syns tøfflene både verkar bedre å ha på og ser mykje finare ut. Vetlesysta sine nye tøfler som vart tatt i bruk før eg tok bilder av dei er òg i det nye designet. Eg har enno masser med pels og skinn som eg håpar å kunne lage tøfler og anna moro av utover hausten når vetlesysta begynnar nokre dagar i veka i barnehagen.

Eg tenkte òg eg skulle vise fram ein genser som eg har fiksa litt på. Den kvite gensaren over er ein Nøstebarngenser, opprinneleg i str. 62/68. Gensaren hadde fortsatt god vidde og halsopninga passa, men var sørgelig kort på ermer og nede. Dette løyste eg ved å sprette opp kanten nede og sy på ein god breid ribb i ullstoff. Ermene har òg fått ribbekantar, men her klipte eg av den opprinnelige kanten då den var vanskelig å sprette fint opp. Ho brukar enno genseren med oppbrett på ermene så denne trur eg kan brukast heile sommaren (og det ser ut til å trengast med den type vêr vi har hatt til no). Merkelappen bak i gensaren har eg forresten klipt ut. Eg syns det er dumt at desse plagga som er såpass gode skal ha ein stiv kløande merkelapp i nakken.

08 mai

Ti år med tøfler

Våre fire barn har alle sammen gått sine første steg (og krabba før det) iført ohelenetøfler. Sidan den eldste blir elleve år til sommaren vil det seie at eg har sydd tøfler i nokså akkurat ti år no. Ikkje like mange kvart år og ikkje så veldig presentable til å begynne med, men moro har det vore heile vegen.

Dei to eldste brukte tøfler i vogn og inne. Når dei begynte å gå ute og gjerne litt før det òg så var det på med sko på føtene. Dvs. støvlar; vi budde tross alt i Bergen ;) men i kjøkenskuffen heldt det lenge med skinntøfler.

Når sonen vår begynte å bevege seg litt meir på bakken ute når han var rundt året, var det vår som no. Sidan han ikkje kunne gå, lot eg han bruke tøflene ute. Om dei vart litt våte så trekte det oftast ikkje gjennom, og uansett kunne/kan tøflene vaskast. Når han var blitt stødig på føtene kjøpte vi sko til han.

No er det nok ei jente her som har krabba rundt i, og gått sine første steg i, ohelenetøfler. Av sko har ho gått litt i nokre nedarva vintersko på tampen av den seine vinteren, men elles er det tøfler som gjeld inne som ute

og litt berre føter.

Sidan tøfler som blir brukt ute naturleg nok blir litt skitne og meir slitt enn dei som ein berre brukar inne så prøver eg at ho har to par til ei kvar tid. Nett no er ho uten innetøfler, noko eg må få ordna opp i ved neste avtale med symaskina. Fintøfler er iallefall på plass (jfr. tidlegare post). Og berre ta det roleg – ho skal få sko før ho begynnar på skulen ;P

05 mai

Kjedelige svarte

Eller kanskje ikkje så kjedelige likevel.

Eg har lenge tenkt at eg skulle prøve å lage “bunadstøfler” med nokre spenner eg har hatt liggande i skuffen. Spennene stammar frå finsko som ungane har hatt og har blitt tatt av når skoa har gått over frå bunadsko til finsko. Seinare har visst skoa vandra vidare utan spennene sine. Litt bunadslignande er dei største og dei minste tenkte eg måtte passe kjempefint til eit ørlite par pelstøfler til ei lita prinsesse. Dei største tøflene er i skinn med pels i sålen. Dei er tenkte til vetlesysta til bruk i ein konfirmasjon no i mai og til nasjonaldagsfeiringa eit par dagar seinare, men kanskje det er nokon andre som har lyst på dei?

Ikkje så verst 17. mai stemning på dei minste heller forresten. Håpar dei passar til ho eg har tenkt skal få dei.

Eg var elles så heldig å vinne eit nummer av Symagasinet gjennom forumet “Vi syr” her om dagen. Gjevar var Susanne/Leanne.

Så ungar: No veit de kven de skal skulde for at trampolina ikkje kom opp så raskt fordi mamma vart sittande med nasen i sybladet i staden ;)

18 mar

Tass, tass, tass

Fort fort tassar dei nye tøflene over golvet med vetlesysta sine nakne tær inni. Tær som kjem til å vere fulle i hår når tøflene skal av til kvelden sidan støvsugaren vår rauk i dag. Sammenhengen? Jo, når ein klipper/skjærer i pels så blir det veldig mykje laushår (om ein ikkje klipper berre i skinnet – men det tar eg meg ikkje tid til). For å unngå at dette blir spreidd rundt i huset pleier eg å ha støvsugaren for hand og gå over bitane etter kvart som eg skjærer dei ut. Men altså i dag måtte eg berre nøye meg med å plukke av det meste for hand.

Tøflene er denne gangen i brunt lammeskinn med kvit pels. Ein fargekombinasjon eg er veldig glad i og har sydd veldig mange par tøfler av. Skinna varierer naturleg i tjukkelse, men dette var tunnt og perfekt til små tøfler. Eg hadde ikkje heilt likt skinn til lista over tåa, men syns det vart ok med den fargen eg valgte.  Å ha kvit pels over tåa tenkte eg ville fort bli stygt og skittent.

03 mar

Er det interesse for

at eg syr eit par par tøfler?

Eg skal sy nye pelstøfler til vetlesysta (som veks ut av dei ho har) og tenkte eg ville driste meg til å ta opp bestilling på TO par tøfler i tillegg. Dei to første som skriver i kommentarfeltet her at dei vil bestille syr eg til. Detaljer tar vi vidare på mail.

Denne første gangen syr eg altså eitt par til to ulike – altså er det kun råd å bestille eitt par kvar. Prisen er frå kr 400,-  alt etter størrelse og fordeling mellom skinn med og uten pels og dekorasjoner. Om det er intersse for tøflene, og det fungerer greitt å sy innimellom baby og andre ting som skjer i heimen, kan det vere eg tek opp bestilling på fleire par etter kvart.

Eit ørlite utvalg av tøflene eg har sydd før kan du sjå her eller i kategorien “tøfler” her til venstre.

19 nov

Gjenbruk av ull

Siste ottobre (sjå forrige post) hadde eit mønster på moonboots som eg tenkte kunne passe fint å sy i ull. Her er det ein genser som eg har tova i maskina – med vilje – som er ytterstoffet. Innerstoffet er ulljersey frå naturesfabrics. Løkkene som strikken går gjennom er skinn.

Eg har berre såvidt prøvd dei på foten til vetlesysta og det såg ut som om passforma var bra. Om eg skal lage fleire par vil eg unngå saumen framme ved å klippe begge sidestykka ut som eit samanhengande stykke. Det vart litt klumpete framme på tåa. Har tru på at desse er gode og varme.

16 nov

Tøffe tøfflus

I går leverte eg eksamensoppgåva  mi og som “premie” kjøpte eg dette:

Har tegna av mønsteret til boots alt, og har planar om å prøve å sy dei i pels. Evt. skal eg sy dei i ullstoff med ytterstoff frå ein tova gensar. Planane er som vanleg i orden. ;)  Eg tenker òg å sy litt pelstøfler til gaver, men har ikkje lova noko verken til den eine eller andre for det er så godt å kunne styre tida si sjølv!

Eller forresten eg lova visst eit par til eldstejenta…

Men fyst ut er vetlesysta (igjen) Ho har alt vokst ut av to par tøfler. Nesten. Eg syns iallefall at ho skulle ha eit nytt par og laga desse grå til henne i går. Dei vart kjempesøte syns eg, og fargen er ørlitt meir praktisk enn dei som var kvite lyse-grå-skitne ho har no. Sauepels i heile tøffelen denne gangen.

Litt vanskeleg farge å ta gode bilder av.

09 des

Litt meir utstyr og tøy til småtten

Vi er godt over halvveges i ventinga på vår lille magebuar og eg har kosa meg med å lage litt meir mjuke ting til han eller henne. Teppet i tofarga fleece frå Michas stoffeche var det første eg laga av dette. Teppet kanta eg med eit blomstra bomullsstoff.  Eg syns ikkje eg vart heilt heldig med å runde av hjørnene, spesielt sidan eg ikkje skråklipte kantbanda. Men no får det vere som det vart. Eg har teke opp att tre av blomstene frå bomullsstoffet og brukt som applikasjonar på teppet.

utstyr2

Den brune lua er sydd etter mønster frå “Barnetøj du selv kan sy” men uten lister inni. Størrelse 3 mnd. Tøyet er ein blanding av bambus og bomull frå Bamboo Fabric Store. Omtrent i t-skjortetjukkelse.

Tøyskoa er med inspirasjon frå ei oppskrift som ligg ute på forumet tettinntil. Eg har modifisert oppskrifta litt sidan eg ikkje ville ha meir skøytar enn nødvendig på innsida. Innsida er difor i berre to stykker. Utsida er òg endra litt. Mellom anna med ei list som går over heile høgda framme. Foret er i ullfilt og utsida er i ein kombinasjon av (litt for tunnt?) bomullsstoff og skinn. Håpar dei blir gode å ha på. Sålen er omtrent 12-13 cm lang, så dei passar vel ikkje sånn heilt med det samme.

utstyr3

27 nov

Kosar meg med å lage babyting

Desse lammeskinnstøflene er tenkte til småtten i magen. Ca 9,5 cm lange i sålen reknar eg med dei passar med det samme han eller ho kjem til verden. Varme føtter er viktig – og sjølv om både mars og april er vårmånader er eg sikker på at dei kjem godt til nytte.
babyutstyr
Smekka/halstørkledet er etter mønster frå AOH nr. 3/2007. Modell nr. 29. Jersey framside og fleece bakside. Dobbelt opp med trykknappar gjer at den kan brukast lenge. Ingen av dei tre ungane vi har no har gulpa i stor skala som babyar så eg forventar ikkje det denne gangen heller, men den kan godt duge som halstørkle på litt kjølige dagar.

30 jul

Uskuldige tøfler

To par pelstøfler ca 12 cm lange etter ynskje frå ein venn av familien.

toefler

Sydde i “Islandspels” frå Skinnlåven. Navnebandet er i møbelhud – samme som eg pleier å bruke til skinntøfler uten pels. Søte små tøfler. Nesten så ein ynskte ein hadde så små føtter så ein kunne putte dei inni.

21 mar

Påskemoro!

Påske betyr for meg som for mange snø og sol. Når sola manglar så er det kjekt å kose seg inne med mellom anna symaskina. I dag har eg laga ferdig ein genser til mellomsøster. I to ulike typar jersey denne gangen. Burde brukt lysare tråd oppe i halslinninga, men det får så være. Eg brukte litt av eit band eg nett har kjøpt i hus som ein liten pynt nede på gensaren.

genserk

 

Ei veske laga av ein medlem på eit forum eg er på, inspirerte meg med navnet sitt til å fullføre ei veske. Eg begynte på denne for lenge sidan. Den er laga mest for moro, men den går an å bruke og materiala er sjokoladepapir og plast. Naboen har gitt meg nokre sjokoladepapir for å hjelpe meg med å få nok, men eg hadde nok klart meg fint sjølv. Den er ca 25x 20 cm stor.

sjokoveske paaskesjoko

Eg har òg laga eit par med pelstøfler igjen. Lenge sidan sist no. Den nye maskina mi likte tydeligvis ikkje å sy i pels, den nekta nemlig heile tida å hente opp undertråden. Håpar ikkje mottakar studerer tøflene for inngåande inni. Eg får prøve med ei anna maskin eg har i huset og sjå om den må dedikerast til pelssøm. Søte vart dei iallefall, og sjølv om eg har fått litt nok av snø no er det eit greitt underlag for fotografering.

jentesko

 

15 feb

Dottete og ullent.

Nei, det er ikkje oppe i hodet mitt det ser eller kjennest dottete og ullent ut (sjølv om det kan gjere det til tider). Når eg skulle hente seksåringen vår i barnehagen i dag var sålen på tøflene hennar gått opp, igjen, etter at vi limte dei for berre kort tid sidan. Vel – eg spurte om ikkje ho denne gangen ville prøve med eit nytt par; heimelaga denne gangen. Ho skulle til og med få velge fargar sjølv. Jenta var lett å lede.

Heime brukte vi litt tid i skinnhaugen og landa ned på raudt som grunnfarge, brunt skinn med kvit pels i sålen og “mangefarga” dekorasjon. Mor kom med forslag først om “malingsklattar” men fekk ikkje dette heilt til i farten (må ta opp igjen den idèen seinare), men når eg strødde over tøflene med rundingar vart jenta godt fornøgd. Fargerike og spreke – og forhåpentlegvis meir haldbare enn kjøpetøflene.  Skinnet som tøflene står på er det samme som er i sålen.

dotted

 

Eg har òg fått sydd ferdig ein Mei Tai som har vore påbegynt lenge. Den er laga av sandfarga kraftig lin og eit tunnt bomullsstoff til dekor. Det er asiatiske tegn både på broderisida og på dekorstoffet.

oppjoy08

 

01 jan

Kreativitet eller kaos (eller litt av begge deler kanskje)?

Slik ser det ut attmed symaskina mi i dag:

kaos

Eg har jobba litt vidare med ein plan eg har for eit fottøy for babyar som ikkje enno går (evt. for større barn med tilpasningar). Eit fottøy som skal kunne sys relativt enkelt, vere lett å ta på, ikkje ha for mange detaljer, sitte godt på uten å stramme for mykje og sist men ikkje minst vere varme. Modellane som er klare til utprøving er i fleece og eit vindtett stoff. Eg har testbrukar til det største paret og ventar på svar om eg har ein testar av det minste.

sokkar

Alle fire sokkane er med ulike strammingar/strikkpatentar. Håpar å få gode tilbakemeldingar om kva som er best. Eg har ikkje lagt ned arbeid med å pynte sokkane sidan eg ikkje ein gang veit om det er slik dei kjem til å sjå ut til slutt. Eg kjem kanskje til å legge mønsteret tilgjengeleg når eg har fått dei ferdige – dvs. om dei er brukandes…

29 des

Og vinnaren er…

…den som la inn kommentar nummer 23: Hekla!

Vinnaren vart trekt ut på slump og eg måtte trekke fire ganger før eg traff ein som ynskte tøflene. Eg må berre seie wow for ein respons. Tøflene er ein prototyp sidan det er dei første eg har laga. Håpar den vesle får glede av dei Hekla! Send meg adressa di så kjem dei i posten over nyttår.

28 des

Tøysko – framgangsmåten

Her er min framgangsmåte for tøytøfler med utgangspunkt i framgangmåten for skinntøfler.  Eg anbefaler at du leser gjennom heile teksten før du begynner. Mønsterfila er til salgs på denne linken. Prisen inkluderer prisen ein lisens for ein person til å lage produkt for sal av mønsteret (ikkje inkludert fabrikkproduksjon). Du kan ikkje dele eller selge mønsteret i seg sjølv. Ta gjerne kontakt om du har spørsmål eller kommentarar til dette.

toyskoto
Klipp ut mønsterdeler til to tøfler: To av kvar del i forstoff og to av kvar del i ytterstoff. Eg har brukt bomullsstoff ytterst og ullfilt innerst. NB! Klipp litt større sømmonn på sidene av hældelane enn du ville gjort i skinn. Legg på ca 0,5cm på kvar side.

Legg innerdelar og ytterdelar av tå rette mot rette. Sy ein stikning i øverste kant.
toestikning
Vreng og press tådelene. Sy ein stikning i øverste kant. Sy òg sammen forstoff og ytterstoff med ein søm rundt den bua kanten.

Lægg hældelane rette mot rette og sy med sømrom på ein pressarfots breidde på kantane og vanlig sømrom oppe. La det stå igjen ei opning på 1,25cm på kvar side 1,25cm frå øvre kant. Dette blir opning for strikk.
heel
Klipp av hjørnene på hældelane, vreng og press. Sy ei stikning tvers over hældelane i overkant av opninga på sidene og ei stikning tvers over hældelen i underkant av opningane. Dette blir løpegang til strikk.
chasing
Tre i ein strikk på 1 cm breidde og ca 3 cm lengre enn hældelen.
heelklar
Sy sammen forstoff og ytterstoff langs nederste kant.

Montering: Start med å sy tådel rette mot rette på ytterdelen av sålen.
toemonter
Sy så hældelen på.

Brett tådelen og hældelen mot midten av tøffelen.
sole1
Nåle fast innerdelen av sålen med rettside ned/inn.
innisole
Sy rundt, men la det stå att ei vrengeåpning.
solefoervreng
Du treng ikkje meir enn ca 3-4cm åpning. Vreng skoen og sy igjen vrengeåpninga.
sewclose
Klipp hol i foret i tådelane til strikk. Vær forsiktig så du ikkje klipper i ytterstoffet. Hola er ca 1,5 cm frå øverste kant og med ein avstand på ca 3 cm.
strikkhull
Tre eine enden av strikken gjennom begge hola i tådelen (mens skoen fortsatt er på vranga) og sy den for hand sammen med den andre enden (overlappande). Klipp bort overflødig strikk. Vri litt på strikken slik at sømmen kjem inn mellom hola i tådelen.
strikkmonter
Vreng rettsida ut og gjenta for sko nummer to.

toysko
Dersom du kommenterer og skriver at dei har tilgang til føtter som kan passe (eller kjem til å passe) i desse tøflene skal du få dei tilsendt. Dersom det er fleire som ynskjer tøflene trekker eg ut ein mottakar mellom dei som har kommentert etter ei tid. Tøflene er ca 11,5 cm i innermål. Eg stiller berre eitt krav: at du har ein blogg der du kan poste bilde av tøflene når du har fått dei – med føtter inni! Å få sjå bilde av resten av barnet krever eg ikkje.

(Tøflene er gitt bort)

11 des

Bugs!

Vi har fått insekter i huset igjen. Eg er så glad for når det er denne typen insekter betyr det at eg kosar meg med symaskina igjen.

bugs

 

Eg har òg sydd ei lue som skal til ei lita jente eg eigentleg ikkje kjenner så godt. Håpar den passar. Eg valgte å sy den heilt for hand. Koselig med litt arbeide som eg kan ta med i stova innimellom.
1934

Merkelappen har eg laga i PSP og printa ut. Eg sparar på dei små sikkerhetsnålene som er på klær når ein kjøper dei. Her har eg brukt ei slik lita nål og ein liten tråd Moulinegarn, av samme type som eg har brukt på lua, til å feste merkelappen med. Gava blir med eitt eit hakk meir spennande å gi bort. På baksida av merkelappen står det kva stoff lua er laga av og korleis den kan vaskast.

I’m so glad to see ladybugs coming out of my sewing machine again. I really enjoy sewing these days.

The hat is made by hand from wool felt. It’s fun doing things a bit differently now and then. The label is made in PSP and printed at home. I save the small safety pins from clothes I buy. I used one of these safety pins to attach the label together with a string of the same thread I used for the hat itself. Looks mugh nicer than just giving it away unmarked. It has writing on the back telling what fabric it is and how it can be washed.

05 des

Tøysko med ullfòr

 

Før helga fekk ei eg kjenner ein liten gut. Eg er (som alltid) litt redd han skal fryse på beina og fann ut eg skulle prøve å sy tøytøfler av mønsteret mitt til pels-boots. Som tenkt så gjort. Innsida er ullfilt og utsida er vanlig bomull.

einsko

Eg har brukt eit mønster i ein liten størrelse, sålen er ca 11 cm. Siste monteringa av delane valgte eg å gjere for hand.

tilsamling

Eg lagde begge skoa parallelt. Det vil seie at eg sydde samme søm på begge sko før eg gjekk vidare til neste steg i prosessen. På den måten hadde eg to sko ferdige på samme tid. Mykje meir motiverande måte å jobbe på og mindre risiko for å miste motet undervegs og ende opp med berre ein sko.

tosko

I have made a pair of cloth shoes for a newborn baby (from the same pattern as I use for fur booties). The inside is wool felt and the outside is cotton fabric. Hopefully warm and comfortable to wear. I did quite a bit of hand sewing on them. I don’t think I’ll share this pattern though.

10 nov

Eg syr!!

Eg syr i pels igjen! Hugsar nesten ikkje sist eg gjorde det. Skinnstøvlane i minste størrelse skal gå til ein nokså nyfødd gut. Han veks nok i dei i løpet av vinteren. Systera hans skal få raude lave pelstøfler som òg er ferdige. Puh. Det gjorde godt. Tru om sysperren min held på å gi seg?

booties

I have made two pair of leather shoes today. One high furry model for a newborn and lower (and bigger)  fur shoes for his elder sister. It was fun! Maybe I can say I’m sewing again!

05 feb

Wow – det var lenge sidan!

Eit tøffelpar! Tenk at det fyrste tøffelparet dette året vart laga fyrst no – den femte dagen i februar. Vel, sjølv om ikkje det blir så enormt mange par frå mi hand i år så blir det nok ikkje det einaste.

Better late than never?

The first pair this year – and it’s allready february. It was fun making it – and I hope to keep it fun this year!

03 feb

Nye tøfler i galleriet.

Sjå så mange tøffelbilder eg har fått tilsendt. Send meg gjerne bilder av tøflene du har laga du òg! Eller har du berre lasta ned mønsteret for sikkerhetsskuld?

magfly  Magflypernille3 Pernillekamille Kamilleketsjup ketsjuplanolinlanolin

Check out the photos people sendt me of their lovely shoes. I’d love to get a link or a photo from others as well (or are you just downloading the pattern for quiet days?).

23 nov

Shoe gallery /Tøffelgalleri – etter ohelenemønster

Eg har satt opp eit lite galleri med bidler av tøfler andre har laga etter mitt mønster. Kanskje har du eit bilde du har lyst å sende meg også? Ikkje send eit alt for stort eit i tilfelle (så mailboksen min stoppar heilt opp).

Shoe gallery /Tøffelgalleri – etter ohelenemønster

I’ve made a small gallery of shoes made from my pattern. I’d love to see your pair as well. Feel free to mail me a (small) photo.

03 sep

Tøffelsesong. Soft leather shoes.

Det er høgsesong for skinntøfler frå no og fram til jul. Eg syr tøfler litt sånn puljevis fordi det er mykje støv av skinn og pels og difor lite kjekt å kombinere med tekstilarbeider. I tillegg slepp eg å ha liggande framme alle mønstera til tøfler til eikvar tid eller bytte nål og pressarfot på maskina heile tida. Eg har slike tøffeløkter med ujamne mellomrom, men no blir det sikkert minimum ein gang for veka.

septsko

When I make soft leather shoes I try to make more than one pair at a time. I use a lot of patterns, the leather and fur make quite a mess and I also have to use a special leather needle and walking foot. All in all timesaving to do it in sections to prevent leather and other materials from mixing up.

29 aug

Rosa skal det vere, eller var det grønt?

I dag fekk eg inn fleire nye fargar skinn. Ikkje alt er tjukt nok til å bli brukt som tøfler, men som dekorskinn er det perfekt. Kanskje eg også lagar nokre ekstra mjuke tøfler til dei aller minste babyane av nokre av skinna.

Desse tøflene er laga litt etter inspirasjon frå eit dansk klesmerke som heiter Katvig. Just for fun. Eg syns i grunn striper er litt fint på dei minste. Tøflene burde sikkert (ut frå kilda til inspirasjon) vore grøne og gul/grøn-stripete eller brune med lyse striper, men det får bli ein annan gang – kanskje.

A new arrival of hides (from the states this time) today and two of them where the long wanted pink colors. This shoe is somewhat of a tribute to a danish clothes brand called Katvig. I just had to make it for fun this evening.

20 aug

Make your own soft soled leather shoes.

DSC_4633

The pattern (with finished shoe sizes from 11,5 cm to 30,5 cm (pattern pieces from 12,5 to 31,5 cm included 0,5 cm seam allovance) can be bought here).

You’ll need some pieces of soft leather; scraps will do. I buy my leather from hobby suppliers and a Norwegian leather dealer called Skinnlåven. Leather from used jackets or bags may also be used. Thin leather is soft but will also wear out sooner than thicker leather.

Thick leather may on the other hand be hard on your sewing machine and not as comfortable to wear. You’ll have to figure out for yourself how much your machine can do.

I recommend a special presser foot for leather and similar materials, as well as needles for leather. I use both poly and cotton threads. The special presserfoot may be replaced by stitch&tear or similar paper between the leather and the presser foot. I use straight stitches, length about 3,2mm. Seamallowance of ca 5mm is included in the pattern.

The elastics I use are 10mm wide. I find this better than regular narrow elastic in that it doesn’t make wrinkles all the way around the childs ankle. Hence more comfortable to wear. You’ll need about 40 cm of elastics for small shoes. You actually need less, but a bit longer elastics make it a whole lot easier to work with. The shoes can be made out of other materials as well. Feel free to alter the pattern and play with materials in any way. Make shoes for your entire family, your friends and neighbours, but please don’t sell products as a direct result of using my tutorial or patterns. You can buy the pattern here. Please do not share the pattern.

Let’s get going! Cut two of each pattern piece. My shoes are the same for the left and right. which is great for children who aren’t able to put the right shoe on the right foot, and they are also easier to make.

You’ll also need a casing for the elastic both around the heel and on top of the shoe. The decoration on top of the shoe is where you can let loose the artist in yourself. I’ve chosen an simple flower for this particular shoe.

Cut or punch holes or slots in the upper part. This is where the elastics go later on. You can use scissors, a knife or a hole puncher.

Sew the casing on to the heel part. One side first. Put the elastics in place and sew the other side. Be careful not to sew into the elastics on this step. I usually place the chasing about 75-100mm from the top of the heel part because this helps prevents the shoe from wrincling up.

Make a mark where you want yours to get it even or align it with the top. The casing is 1cm wider than the elastics itself.

Second you’ll need to prepare the upper part. Decorate it in any way you like. Be careful not to sew in between the slots/holes for the elastics or else you will not be able to thread the elastics through later on. The upper part and the sole are sewn first. Right side facing each other. Mark the middle of both pieces and trace the starting point of the seam from this. Feel free to use clips or something elce to keep it all in place if you find it hard to do it with just your hands. Leather doesn’t allow much faults. You might rip the seam once or twice, but no more. Any needle holes will not go away and may make the shoe weaker.

Sew the heel on to the shoe right sides together starting slightly overlapping the upper part. This is where your sewingmachine might give up or start spitting needles. Sew slowly or manually if needed. Do NOT pull the leather Especially not if the leather is very soft. Make sure you don’t sew the ends of the elastics by accident.

The shoes is now almost finished; you just need to fasten the elastics. You’ll need to do this before turning the shoe outside out. Pull one end through the holes using safety pins like I do, a tweezer or whatever suits you. I like using safety pins on both ends since it prevents the other end from running off. Adjust the elastics to fit your child. If the child has high ankles or is on the heavy side the elastics need to be longer than for a smaller foot. Sew the elastic closed by hand and cut off any excess. Rotate the elastics to hide the seam between the holes in the upper part.

Turn the shoe outside out and repeat the process to make its partner. Study your excellent work and please; try not to wake your child straight away to try on the shoes even though you want to. :D

Good luck! Feel free to contact me with any questions.

EDIT: 12.08.14 You can now purcase the pattern here.

Important notice: You are not allowed to copy or resell my pattern. If you want to make shoes to sell in a small scale, please contact me.
If you don’t have Adobe Reader – get it for free at adobe.com
20 aug

Lag dine eigne ohelene-tøfler! Skinnsko til alle fotstørrelsar.

DSC_4633

Tøffelmønsteret mitt inneheld mønster til tøfler med innermål frå 11,5 til 30,5 cm (mønster frå 12,5 til 31,5 med 0,5 cm saumrom). Mønsteret kan du kjøpe her.

Til tøflene treng du litt skinnrestar av møbelhud el.l. Dette kan du kjøpe frå ulike hobbybutikkar/-kjeder (t.d. Panduro eller Sløyd Detaljer) eller hos Skinnlåven. Skinn frå plagg eller vesker frå t.d. bruktbutikkar kan også vere brukbart. Eg syr òg ein heil del tøfler av pelsskinn. Tunnt er mjukt, men tunnt vil òg lettare bli slite ut medan tjukt skinn kan vere ein prøvelse for symaskina. Du må sjølv finne ut kva di symaskin taklar av tjukkelse på det du skal sy gjennom. Eg anbefaler elles at du brukar ein glidefot (teflon) til symaskina og spesielle skinnåler. Eg brukar både polyester og bomullstråd. Du kan også bruke ein vanlig pressarfot og legge rivevlies el.l. imellom. Eg brukar rettsaum og stinglengde minimum 3,2mm.

Eg brukar 1 cm breid strikk rundt tøflene fordi eg ser at det ikkje lagar skrukker rundt ankelen og gjer den god å ha på. Du trenger ca. 40 cm strikk til ein barnetøffel, dvs. du treng litt mindre men å ha litt ekstra gjer det litt lettare å jobbe med.

Tøflene kan også lagast i andre materialer. Du er velkommen til å endre og trikse med både materialer og mønster så mykje du vil og lage tøfler til heile familien din og alle dine venner, men ikkje bruk min framgangsmåte som grunnlag for salg av tøfler og selg heller ikkje framgangsmåten/mønsteret. Du kan kjøpe mønsteret her. Vennlegst ikkje kopier mønsteret for deling med andre.

Så set vi i gang! Klipp ut to solar, to overdeler og to hælkapper. Mine tøfler har lik høgre- og venstresko, noko som er ein fordel for ungane som alltid ser ut til å klare å bytte om høgre og venstre sko. Det er også lettare å lage to like sko enn to ulike.

I tillegg til dei tre delene nevnt treng du ei list som skal skjule strikken rundt hælen: Du treng òg ei list eller anna pynt som skal skjule strikken som går gjennom overdelen. Pynten på overdelen er der du verkeleg kan boltre deg kunstnerisk. Her har eg valgt ein enkel blomst.

Klipp eller trykk hol i overdelen der strikken skal gå gjennom. Eg brukar tang til dette men det går òg fint an å klippe to hakk der strikken skal gå gjennom.

Sy fast hællista på hælkappa. Eg brukar ei list som er 1 cm breidare enn strikken, i dette tilfellet 2 cm. OBS berre ein kant først. Klipp lista til i samme lengde som hælkappa. Eg brukar å ha denne ca. 0.75-1cm nede på hælkappa fordi det igjen hindrar hælkappa i å snurpe seg sammen. Om du legger denne kant i kant er det kanskje lettare å få fint, men tenk då på om du må ta av litt av høgda på hælkappa. Legg inn strikken under hællista. Sy fast andre kanten mens du passar på med fingrane at du ikkje syr i strikken.

Så er det overdelen sin tur. Dekorer som du ynskjer men pass på å ikkje sy i kanalen som skal vere mellom dei to hola. Der skal du kunne dra gjennom strikk om litt.

Montering.
Overdelen og sålen blir sydd saman rett mot rett fyrst. Pass den til slik at den går like langt fram på begge sider. Finn midten på sålen framme og midten på overdelen og gå ut frå desse. Bruk gjerne binders, klyper eller teip for å halde på plass dersom du syns dette er vanskelig å gjere berre med hendene. Skinn er ikkje så takknemlig når det gjeld å sprette opp så du må få det til første gangen (eller til naud andre gangen).

Hælkappa skal syast på med litt overlapping over overdelen. Det er her det kan bli hardt for symaskina. Sveiv om nødvendig fram sting for sting og ta det med ro. Ikkje dra i skinnet, spesielt ikkje viss du brukar mjukt skinn eller pels. Pass på at du ikkje syr fast enden på strikken når du gjer denne siste operasjonen.

Tøffelen er ferdig sydd på maskin; no gjenstår berre å feste strikken og det må gjerast før vrenging. Dra den eine enden av strikken gjennom dei to hola på overdelen. Eg likar å gjere dette med sikkerhetsnåler festa på begge endar fordi det då er lettare å hindre at strikken blir dratt inn i hællista. Du kan også bruke eit pinsett el.l. Pass til omkretsen rundt ankelen i forhold til barnet som skal ha tøffelen på. Har barnet høg vrist eller er god og lubben strammar du mindre enn om det er ein slank fot som skal nedi. Sy saman med nokre sting for hand og klipp av overflødige strikk. Roter strikken slik at skøyten vert skjult inne mellom hola i overdelen.

Vreng skoen og gjenta prosessen for sko nummer to. Studer stolt det ferdige tøffelparet og prøv å ikkje vekke barnet ditt sjølv om du har lyst til å prøve skoen på med ein einaste gang.

Mønsteret går frå ca str. 18 til 46 og inneheld mønster til å tegne av/printe ut til annakvar størrelse. Nokre av mønsterdelene er mot brett. Dersom du ikkje får til å printe ut riktig størrelse kan du enten endre størrelse i kopimaskin eller bruke den størrelsen som passar etter mål uavhengig av kva som står på den i utgangspunktet. Eg brukar ca 5mm saumrom.

Eg har dessverre ikkje lengre kapasitet til å sende ut mønster på mail til alle som ynskte dette. For at det skal vere mogeleg å få tak i det likevel tilbyr eg dykk som leser her å kjøpe det her. Prisen inkluderer prisen ein lisens for ein person til å lage produkt for sal av mønsteret (ikkje inkludert fabrikkproduksjon), men du kan ikkje dele eller selge mønsteret i seg sjølv. Ta gjerne kontakt om du har spørsmål eller kommentarar. Mønsteret i seg sjølv kan  ikkje kopierast eller selgast. 

Kos deg med saumen!

09 jul

Nytt design frå hausten.

Til tross for ein del bestillingar må eg leike meg litt med nye idear innimellom. Vi skal sjå Kaptein Sabeltann i sommar til liks med mange andre. Minstemann får ikkje vere med sidan vi syns han er for liten, så kanskje dette blir til trøstetøffler til han. Han skal begynne i barnehage til hausten og treng uansett nye tøfler.

Designet har eg laga sjølv frå eit bilde i programmet Customizer 10000 Plus. I dette programmet kan eg nokså greitt stingsette bilder (bmp) når dei ikkje inneheld for mange fargar/fargetonar. Bilder som er tegna digitalt er heilt ideelle. Omriss er uansett nokså greitt å få brukbart.

I have quite a lot of orders still to be done before the holidays – but I just had to do something else for a while. Our youngest is going to kindergarden this autumn and need new leather shoes. Maybe this design will be on his new shoes. I guess he also need some comfort when/if he finds out that he isn’t be going to see the pirate-show this summer with his father, uncle, sisters, nephew and niece.

28 mai

Ohelene.net har fått ny look.

Ohelene.net, sida mi der du kan kjøpe skinntøfler og anna, har fått ny look. Til tross for at den er laga av amatøren ohelene (med god hjelp i eit ferdig design) syns eg den vart grei og oversiktlig. Tar gjerne mot kritisk tilbakemelding om ting som må ordnast eller endrast.

Eg tar sikte på å sy litt bæreselar av typen Mei-Tai framover og har fått ferdig modellen eg skal bruke. Eg vil muligens også sy slynger viss eg får tid til å jobbe meir med å lære meg det. Uansett håpar eg at sida innbyr til besøk og at ein får lyst til å både lese og sjå.

My homepage (the one where I sell soft leather shoes) has got a new look as of today. I also plan selling Mei-Tais somewhat like the one I have showed here. Hopefully there are not too many errors in the pages. This page is only in Norwegian.

15 apr

Skilpaddetøfler

Eldstejenta mi meinte at dei burde vore lysare grøne – men eg trur kanskje like gjerne at bakgrunnen burde vore lysare. Får teste og sjå.
Not exactly ninjas but still a pair of turtles. I will use a brighter colour for the shoe itself next time to make a better contrast between the patten and the background.

10 apr

God Påske – Happy Easter!

Takk for mange koselige helsingar på skravlebrett og i kommentarfelt! Eg set stor pris på at de legg att beskjedar og besøker som regel alltid dei eg ser har vore innom her. No er det straks påske og vi skal feire denne heime i år. Håpar på besøk av litt familie, men ingen ting er avtala enno. Eg har fått klar dei siste tøflene før påske, så no blir det berre hobby etter innfallsmetoden nokre dagar. Sikkert ein del strikking. Mønsteret til den lille høna (i utgangspunktet ei nålepute) finn du her.

I love getting comments in my blog – and try to “visit” everyone leaving an adress here. As easter is coming up I guess there will be more knitting than sewing for the next days. There are no more shoes to be made (from orders) so I can chose to do whatever I like. Maybe I will make another ladybug-pair as I almost fell in love with these and still had to wrap and post them… The pattern for the little Chicken Pin Cushion can be found here.