24 mai

Pattern fill i Silhouette Studio DE

Silhouette Studio Designer Edition har en del kjekke funksjonar som eg brukar mykje. Mellom dei er pattern fill. Man kan både legge inn eigne bilder/mønster i mønstermappa (pattern) i biblioteket og/eller bruke dei direkte frå arbeidsbordet. Det siste krever rett nok ein del meir frå arbeidsminnet til programmet. Som kjent er ikkje det alt for imponerande. Men eg har gitt det ein sjanse i denne tut-en.

Eg har latt meg inspirere av andre til å lage eit veggbilde av orda mamma og pappa som passar perfekt for oss i bokstavtal sidan vi har fem barn saman. Heng deg på om du vil sjå korleis eg gjer det.

mplusp4

Eg skreiv først orda mamma og pappa og fann fram til rett størrelse og form på desse. Font: Adventurer Light.

Så gjorde eg bokstavane om til path. Marker orda. Høgreklikk og velg “Convert to Path” eller velg i menyen Object + Convert to Path. Medan orda fortsatt er markerte høgreklikkar eller går du i object-menyen igjen og velger ungroup. No er kvar bokstav eit objekt og du kan redigere dei kvar for seg.

Eg opna alle bildene som eg ville bruke inne i SIlhouette Studio med “merge”.

Marker så ein og ein bokstav og bruk “Property picker”, som du finn nede i venstre meny, til å hente inn bildet som fyll i bokstaven. Måten du gjer dette på er ved å ha bokstaven markert medan du trykker på bildet med verktøyet. Verktøyet forblir aktivt til du velger noko anna, så du kan fortsetje med alle bokstavane til du er ferdig.

mplusp

Her er det mest fargebilder, men òg eitt i svart kvitt. Eg vil ha resultatet i svart kvitt og dette kan du endre i Silhouette Studio!

Screenshot 2016-05-24 11.18.37

For å flytte på eller endre størrelse på fyllbildet velger du “Fill Pattern” i menyen oppe til høgre. Under advanced her kan du finne pan pattern som får fram krysset (sjå på bildet over her) som du kan dra i for å flytte på bildet. Og scale som er å endre størrelsen. Du kan òg velge å rotere bildet, gjere det transparent og ein del anna. Eg har berre brukt scale og pan i dette eksempelet.

mplusp2

Nå alle bildene var på plass hadde eg lyst til å gjere dei om til svart kvitt. Dette går an å gjere i Silhouette Studio, men er gjerne ein funksjon som ikkje er så kjent. Funksjonen er plasser i høgre øvre hjørne og heiter Shader effects. Dette er ikkje ein funksjon som er eksklusiv for Designer Editon såvidt eg har forstått, men den er ikkje tilgjengeleg før frå versjon 3 av programmet. Det står heller ingen ting om den i manualen merkeleg nok.

mplusp3

Under shader effects kan du endre mellom anna kontrast, lysstyrke, invertere fargane osv. Og altså då lage bildet om til gråskala. I praksis svart kvitt. Du drar då skalaen på amount heilt bort til 100% Det er litt småfeil i shader effects og den er ikkje alltid lett å bruke, men det er likevel såpass artig at eg brukar det ein del.

Så er det berre å få endra det bildet eg har lagt inn dobbelt og fullføre designet.

Hjartet har eg berre plassert under orda med “Send to back”. Hugs å velge bilder med god oppløysning viss du skal skrive ut.

mplusp4

 

 

19 aug

Hausten er i gang i hagen

Hausten er nok mi favorittårstid. Mine eigne skuleopplevingar var gode, og hausten såleis fylt med gode forventningar. No blir dette avløyst av spenning knytt til våre eigne ungar sine skuleår.

Noko anna som like mykje som dette gjer hausten til ei kjekk årstid er alt som veks og modnast i hagen og i drivhuset. Her er eit lite utvalg av bilder frå når vetlesysta og eg hadde oss ein runde med kamera ute og i drivhuset.

 

07 jul

Hagen i juli

Hagen har fått lide litt under at det har vore “innevêr” i store delar av ferien. Ikkje det at vi har vore berre inne, men å stå og luke eller klippe plen i regnver har ikkje frista så veldig.

Etter nokre soldagar er plenen slått, dei fleste beda er luka og jammen har eg fått flytta nokre planter i år òg. Hostabedet mitt flytta eg i fjor. Før var det langs vegen – ved sida av eit huskestativ. Utsett både for å bli køyrt i av syklar og bilar, og litt i vegen for barnetrakk og -leik. No omkransar det dokkestova som om det aldri skulle gjort anna. Der skal dei få stå til dei kvar for seg og saman blir for store.


Dei lilla blomstene under er så fine. Teflonhjernen min hugsar ikkje kva dei heiter og no er dei snart avblomstra.

Langs gjerdet på nyestykket vårt spirer mange av frøa vi har sådd. Her kjem det ulike typar blomkarse, sommarblomster av ulike slag og til og med nokre solsikker. Dei pleier ikkje bli så høge hos oss – er dei meteren og til og med blomstrar blir vi glade.

Lammeøyra har vi litt ulike plassar i hagen fordi eg har flytta litt på den og så spirer det frå ei rot eller to som ligg igjen her og der. Dei er så fine med sølvglansen sin.

I eit bed under nokre dagliljer står eit ørlite hestekastanje-tre. Der skal det få stå og vekse til eg finn ut kor eg kan plassere det. Om det skal få sjansen til å vekse seg stort må det ha litt luft rundt seg.

 

22 jun

Kveldstur på “Åsen”

Eg har ein god nabo som innimellom lokkar meg med på trimtur. I går var ein slik kveld og vi rusla heilt opp til enden av grusvegen – til Åsen. Godt å røre på seg og godt å skravle. Er ikkje sikker på om det er tytinga eller trimmen som er beste helsebota med desse turane våre ;)

Når vi snudde for å gå nedatt skein sola gjennom skylaget og dette måtte eg prøve å få fanga med “Cyber-shot’en” min. Altså mobilbilde i beste stil. Har auka lysstyrken litt i dei mørkaste partia av bildet, men elles er det ikkje endra.

No har eg forresten fått ein GPS i hus og gledar meg til å ta med ungane på leiting etter Geocachar. Vi har ikkje hatt for mykje hell med oss på turane våre så langt, men moro har det vore uansett.

18 jun

Ny linse

Min kjære har eit Nikon D70 som eg låner når eg skikkelig skal kose meg med fotografering. Orginallinsa som sat på kameraet hadde fått seg ein trøkk og demontering i forsøk på reperasjon resulterte i at den fungerte, men at den var nokså skakk og støvete. Her om dagen bestilte eg difor ei Nikkorlinse 18-200 på Pixmania til nevnte kamera, og no småslest vi om det ;) Han skal få låne det etter kvart, men i dag er det eg som har brukt det – mellom anna ute.

I hagen er det nemleg begynt å blomstre, og sidan plenen er slått (delvis i alle fall) går det til og med an å sjå blomstene. Med solglimta kjem òg lysta til å luke og grave og ikkje minst flytte rundt på planter i hagen.

I dag har mellomstejenta og eg spadd opp eit langt smalt blomsterbed og sådd fleire posar med frø til sommarblomster. Like etter at vi var ferdig gjekk det automatiske vatningsanlegget på (= det begynte å regne igjen). No blir det spennande å sjå kva som spirer og om planen vår om eit frodig bed med masser av ulike blomster i ulike høgder slår til. Vi har sådd solsikker, solhatt, margerittar, ulike asters, papirblomst, ulike blomkarsetypar og ein sommarblomster-blanding.

Kva er det du tar bilder med, og kva likar du best å ta bilder av?

02 jun

Geocaching

Vi prøvde oss på ein ny hobby på sundag. Eg har lenge lest på nett om geocaching og visst at det er nokre få boksar her i nærområdet. Det har berre ikkje passa slik at vi har kome oss av garde på leiting før. Ungane har vore villige, men dei siste to åra har vi konsentrert oss om turorientering i staden.

No er sesongen for turorientering enno ikkje i gang (såvidt eg veit) og eg lokka difor med meg dei tre eldste på skattejakt i staden. Litt for seint kom eg på at GPS ikkje var noko vi hadde tilgang til sidan telefonen min er på reperasjon, men vi prøvde likevel. Første post som skulle vere ved flyplassen fann vi ikkje tross iherdig leiting, men vi prøver igjen seinare på denne. Andre plassen vi leita var hintet såpass tydelig at vi kunne gå nesten rett på. Moro for små og store. Vi fann til og med ein såkalla Travel Coin der. Tok den med oss og planla å legge den igjen på neste stad. Bildet er nokså avslørande, men eg reknar med det er greitt å legge det ut her sidan eg ikkje skriver kor det er og sidan det tross alt er nokså tydelige hint i teksten til denne boksen.

Problemet var berre at dei to neste postane vi prøvde å finne var litt for godt gøymt for oss (og her trur eg ikkje vi kan skulde på mangel på GPS heller sidan eg er overbevist om at vi leita på rett stad).

 

Men uansett var det moro å vere på tur og moro å leite, så ungane er bestemte på at dette skal vi prøve på meir. Eg har funne ut at det er ein post ikkje langt frå huset til bestemor og bestefar så den skal vi i alle fall prøve å finne i sommar. Kanskje vi kan lokke med oss dei to søskenbarna der på leitinga. Så får vi prøve å få lagt frå oss denne “reisemynten” så raskt som vi klarar her i nærområdet. Vi har ein post på fjellet her òg, men mynten lurer eg på om vi skal prøve å legge ein annan stad.

Lurer du på kva geocaching er? http://www.gcinfo.no/ http://www.geocaching.com/

01 apr

Ut på tur

fjelltur11
Utsikt mot der eg bur. Litt nede i dalen utenfor synsvidde.
fjelltur2
På veg til fjells.

Slike skiturar burde alle fått lov til å ta ein gang i blandt. Er medisin mot det meste og mine batteri vart iallefall lada litt igjen av denne turen enn så kort den var.

11 okt

Ég tala ekki íslensku…

Seks dagar på ville vakre Island. Litt “amputert” ferie sidan minstemann måtte ha gips to veker lengre enn vi trudde. Men så får vi tru han blir heilt bra til slutt. Eg vart overraska over at islandsk var så veldig ulikt norsk. Har alltid høyrt at islandsk er som gammalnorsk, men det er nokså lenge sidan gammalnorsk var snakka hertillands iallefall! Difor overskrifta som betyr: Eg snakkar ikkje islandsk.
Den økonomiske krisa som rådar merka vi lite og ingen ting til som turistar.

På laurdag når vi kom til Island var det snø og kaldt. Vi skulle køyre ein god etappe, men tok middag ved den Blå Lagunen før vi køyrde vidare.

Røyken er damp som stiger opp like ved den Blå Lagunen.

Dette vatnet var kaldt, men like fullt fasinerande blått.

Vi prøvde oss på hesteriding på eit hotell/hestegard som heiter Eldhestar på staden Hveragerdi. Vi fekk visst dei roligaste hestane dei hadde, for dei gjekk samme tempo uansett kva vi gjorde. At stiane for ein times ridetur gjekk rundt og rundt hotellet var litt nedtur for oss som hadde sett for oss ridetur ut i marka med ørlitt meir fart i. Sterk vind og kaldt regn gjorde ikkje akkurat opplevelsen bedre så vi avslutta etter ca 15-20 minutt kalde og våte. Godt at vi har hestegard like ved oss heime der ein òg kan få lov til å ri på islandshest.

I sjølve byen Hveragerdi hadde dei eit stort utendørs basseng med varmt vatn. På kantane var det to små basseng med vatn som var hhv 38 og 40 grader varme. Kjempegodt å ligge i det varme vatnet med vinden hylande rundt øyrene. Det nye vasstette kameraet mitt fekk òg prøvd seg. Her er det minstejenta som har fotografert mor under vatnet.

På grunn av at minstemann fortsatt sat i rullestol og alt av fjellturar og naturvandring vart utelukka (delvis òg på grunn av veret) reiste vi til Reykjavik to dagar før planlagt. Vi skulle eigentleg ha vore to dagar på ei hytte ute ved Skaftafjell nasjonalpark.

Fyrste dagen i reykjavik køyrde vi tilbake til den Blå Lagunen. Denne gangen for å bade sjølv om vermeldingane og dei faktiske forholda var nokså ufyselige. Tavla ved bassenget viste 0 grader og vermeldingane sa kuling. Laguna var skikkelig piska opp av vinden. I vatnet var det imidlertid gode og varme 39-40 grader. Vatnet var kjempesalt og håret vårt vart heilt stivt etterpå av det høge innhaldet av kisel i vatnet. Minstemann venta tålmodig i kafeen medan mor og far bada etter tur og fekk vekselsvis is frå mor og far.


Her er lillesøster i bassenget. Alle under 11 år gikk gratis og for oss vaksne kosta det 2300,- kroner pr. stk. Islandske kroner altså.

Siste dagen i ferien køyrde vi ut til Geysir forbi Thingvellir. På denne strekninga kunne vi sjå sprekker i jorda etter tidligare jordskjelv. Dei mørke strekane nede til høgre her og bortover er djupe sprekker. Island ligg midt på delelinja mellom det Europeiske og den Nord-Amerikanske kontinentet. Noko som skapar både hyppige jordskjelv (sist i fjor sommar på 5,3) og gir tilgang til den geotermiske energien som øya er kjent for.

Ved Geysir fekk vi sjå det vi kom for av både boblande kokande kjelder og sprutande geysiarar.

Skal vi tilbake til Island ein gang må det bli uten rullestol.

Og sannsynligvis på ei årstid der det er litt varmare.

08 aug

Oppå Åsen der veks det blåbær!

Desserten i dag var som ein lun haustdag!

Fyrst oppå Åsen for å plukke litt blåbær med minstemann.


Mest i magen men litt i skåla.

Så ut i hagen og plukke litt ville bringebær. Fordelt på fem glas. Litt melis på toppen og ein skvett mjølk til dei som ville ha det. Værsågod!


“Mamma? Kan eg få meir?”

03 aug

Frisk luft

Vi er ikkje dei aller ivrigaste når det kjem til å ta med ungane på fjelltur, men av og til kjem vi oss ut og då kosar vi oss alle mann. Litt lokking med rosiner eller kjeks for å halde motivasjonen oppe må til.

At det veks blåbær ved stien er heller ingen bakdel når det gjeld å halde humøret oppe.

20 jul

Med nasen i bakken.

Overskrifta er ikkje representativ for heile fjellturen i dag, men nokre av bildene eg tok var i den posisjonen.


Når eg var på fjellet i dag lurte eg på kvifor eg ikkje brukar fjellet meir enn eg gjer for ein tur ute i naturen er medisin for både kropp og sjel. Det må ikkje bli for lenge til neste gang!

08 apr

Å sminke bilder i PSP (Paint Shop Pro)

Bildet i forrige post er ikkje tatt mot kvit bakgrunn – eg har ingen plassar i huset der eg har stor kvit bakgrunn så når det kjem til fotografering av klesplagg må eg jukse litt. Bildet var i grunn ikkje skarpt ein gang, men å sminke eit bilde går rimelig kjapt og greitt når ein har gjort det eit par ganger.

Image

Eg hengde opp kjolen på ein gulstripete vegg. Einsfarga er meir ideelt, eller iallefall andre fargar enn på det ein skal ta bilde av. Eg brukar blits på alle bilder innendørs om eg ikkje klarar å rigge til med lamper som gir godt lys.

Det fyrste eg gjer er å endre størrelsen på bildet til den størrelsen eg vil ha det til slutt. I bloggen her brukar eg ei vidde på 500 eller 600 pixlar.

Image1

Bruk så “Background Eraser Tool” for å få kjolen til å stå igjen uten bakgrunn. Eg hugsar ikkje om t.d. PS har ein lignande funksjon.

Image2

 

Image3

Så lenge det er bra kontrastar på bildet er det plankekøyring å fjerne bakgrunnen.

Image4

Når eg har fjerna ei stripe heile vegen rundt brukar eg Freehand Selection – Point To Point Mode til å markere rundt objektet. Dobbelklikk på slutten for å feste start og slutt av markeringa. Inverter merkinga…

 

Image5

Image6

…og klipp bort resten av bakgrunnen på bildet. Bruk funksjonen Merge for å smelte sammen alle laga av bildet til eitt.

 

Image7

Bruk evt. magic tool (merkeverktøy) for å merke skuggar rundt objektet og klipp desse bort før du går vidare. Merk til slutt alt det kvite med Magic Tool og inverter merkinga slik at det berre er kjolen/objektet som er merkt.Image9

 

 

Velg Effects + 3D effects og Drop Shadow.

Image10

Velg kor djup skugge du vil ha og kva veg du vil at den skal falle og trykk ok. Eg justerar ofte bildet litt skarpare for skjermvisning.

Image11

 

Til denne redigeringa er det Paint Shop Pro X som er brukt.

26 mar

Fordelen med ein fridag midt i veka…

…er at ein kan stikke på fjellet når det er så fine dagar som det har vore i dag.

fjellet fjellet2 fjellet3

Er eg ikkje heldig som har dette tilgjengelig under ei mil unna stovedøra?! Ungane har akedag i barnehagen i dag, så dei òg nyter det gode været.

30 sep

Haust

Å… fange hausten i eitt bilde er ein utfordring for den med beslutningsvegring. Gule blader, rustne fargar i lyng og trær, spegelbilder i søledammar og støvlar som er minst like våte inni som utenpå. For meg er dette bildet eit bilde på haust. Skodda heng over fjella og sauene er komne ned frå sommarbeitet runde og gode. Bildet blir mitt bidrag for september i naturfoto-alongen.

sauer

Autumn is here and the sheeps are collected from the mountain. A really autumn-image from my home.

11 jun

Hysj kan du høyre at graset gror?

 

Hysj, kan du høyre at graset gror?
Hysj, kan du høyre ein meitemakk som lo?
Hysj, kan du høyre ei bille som sang?
Då skal du seie kvar einaste gang:
Hei alle insekt og alle små dyr,
alle som krabbar og kravlar og kryr!
Eg er eit menneske og eg er snill,
Vær i min hage så lenge du vil!
(Eivind Skeide)

02 jun

Tar du den så tar du den.

Eit av årets store høgdepunkter! Urte- og staudedagen på museet “vårt”. Hagelaget arrangerer plantebyttedag der du lever ei plante (frå hagar uten Iberia) og får velge deg ei anna plante til å ta med heim. Vi hadde veldig mange menneske innom og eg fekk tak i nokre godbitar sjølv både frå byttebordet og frå planteutsala.

Eg bytta til meg:
Smågullkorg 
2 Geum (håpar dei er raude eller orange) 
Stor Valmue
Raud stikkelsbær (gammel type)
Svarthyll
Agurkurt
Fagerfredløs
Pepperrot
Slirekne
(og kjøpte i tillegg fleire planter både frå museet, hagebruksskulen i Aurland og Plantetunet)

Heime i hagen blømer det etter kvart både her og der og eg kjenner det kriblar i kroppen i takt med den vaknande naturen.
Nye aurikler av dagen!  Rosa og struttande Geranium.

Rhododendronen er ute i full blomst og den rosa fargen er sporlaust vekke.
Mitt bidrag for denne veka i naturfotoalongen.

Fyrste blomsten er komen på den nye rosa vår  Min eigen urtekrukkesamling: Ramsløk, Pipeløk, toppløk, oregano og grasløk.

I have spent most of the day at our local museum attending the annual trading of plants by our garden society. I myself got some interesting plants and some I just got because I don’t know how to say no. There were two different producers of ecological plants there too so I even got to spend some money. A Tomato plant, two different Day lilys (old traditional plants from this area) and some other yellow and orange/red plants for my new boarder came home with me amongst many others.

20 mai

Naturbilde – veke 20

Ein Rhododendron eg fekk som avleggar i fjor er komen med sin fyrste knopp. Alltid like spennande å sjå kva som kjem ut av ein stor eller liten blomsterknopp. Bildet er eit utsnitt av det orginale bildet.

My weekly contribution for the Nature Photo “Knitalong”.

11 mai

Naturbilde – veke 19

Eg har hoppa over ei veke denne gangen. Slik blir det vel når den fyrste iveren avtar og spesielt kanskje no i travle mai med tusen-og-tre ting som eg har lyst til å gjere; samtidig. Bildet er tatt på bøen rett attmed huset vårt – her treng ein ikkje gå langt for å vere ute i naturen.

This weeks contribution for the nature photos “knitalong”. This photo is taken just beside our house – Doesn’t we live in a beautiful scenery?

05 mai

Kua har fire hjørner og året har fire kantar.

Liv-Kjersti har utfordra oss til å vise dei fire årstidene i bilder. Det syns eg var ei kjekk utfordring som eg greip med det samme. Hos oss er årstidene tydelig ulike og det er noko av det eg likar med å bu her vi bur.

Vår – snøen var borte men markene var enno ikkje grøne. Dette var ein månad sidan, no er det heilt andre fargar. Likevel er dette våren for meg.

Sommar og båtliv. Minstemann og pappa kikkar ned i vatnet frå brygga. Var det ein fisk som for forbi der nede?

Haust og fruktbarhet. Hos oss veks det små skattar rundtomkring huset. Skattar ungane kan finne og smake på. Ã… ete hasselnøtter rett frå treet er ein opplevelse alle burde få med seg.

Vinter og snø. Rikelig med snø. Kjekt å vere ute og baske i snøen og kjekt å sitte med håndarbeide inne i mørke kveldar. Dei ekstra høgdemeterane vi har i forhold til bygda vi bur i gir oss nesten ein ekstra månad med snø, men kva gjer vel det når snøen er smelta og våren endelig kjem på ny.

29 apr

Mi barndoms bygd.

I dag har vi vore ein tur heimom. Til heimen og garden der eg vaks opp sammen med søsken, kattar, kyr, ein og annan grisen og eit par kaniner (som eg mins iallefall overlevde ein heil sommar). På vegen stoppa vi ved det relativt nye fugleobservasjonstårnet. Eit bygg som med sin spennande arkitektur er verdt ein stopp òg uten kikkert for fugleobservasjon.

Det blir sagt at tårnet er tilrettelagt for rullestolbrukarar, men det er berre delvis tilfelle for toppen var sperra av eit stort “vegvesenbord” som eg ikkje kan forstå at det går an å kome forbi rullande. Litt bosplukking hadde òg gjort seg utanfor. Vi får skulde på at turistsesongen ikkje er heilt i gang og håpar at nokon ordnar opp.

Lyset slår inn på ein fantastisk måte i det særeigne bygget.

Frå hagen hennar mor fekk eg med meg ein rotdel av denne planta som eg meinar må vere ein type lungeurt.

29 apr

Naturbilde – veke 17

Bildet for denne veka er av eit motiv eg ser kvar gang eg er på veg til jobb. Fjell etter fjell etter fjell, og med litt skodde ser det ut som det aldri sluttar. Eg hadde bestemt meg for å prøve å feste motivet på film (eller minnekort om du vil) men med dårlig hukommelse var det kun mobilkamera tilgjengelig når eg endelig hugsa planen min.

Bildet fekk nesten eit malerisk preg. Litt utydelig på grunn av at det er tatt gjennom bilruta og litt på grunn av kvaliteten på kameraet. Rart korleis det som er bakdeler her berre gjer bildet eit hakk meir spennande.

22 apr

Naturbilde – veke 16

I hagen vår er det stein omtrent kor ein snur seg. Sprengt stein, svaberg frå langt tilbake i tid (huset ligg tross alt på 300 m.o.h no) og runde rullestein. Mønsteret i steinane er av og til som reine måleria. Berre sjå på desse snirklingane som viser at steinen ein gang var masse i bevegelse.

Stones never stop facinating me. Look at this wonderful pattern – like a painting.

15 apr

Naturbilde – veke 15

Eg er veldig fasinert av trær og det ser eg òg at mange andre i naturbilde alongen er. I dag har eg teke bilde både av selja med gåsungane sine og dei to majestetiske furutrea vi har på tomta, men det bildet eg har valgt ut som vekas motiv tok eg i ettermiddag når ting begynte å kaste lange skuggar.

Ein perfekt liten rullestein i hagen min kastar ein lang skugge på steinen den ligg oppå. Slike steinar lever sitt eige liv i hagen vår og eg reknar nesten med den er borte neste gang eg kikkar. Dei inngår i leiken til ungane og kanskje rullar dei litt på eiga hand òg?

The photo is from our garden this evening. A long shadow tells the story of a day coming to an end.

15 apr

Hagen har prioritet

Det blir sydd lite i heimen for tida, det einaste måtte vere øydelagde glidelåsar og eit og anna hol på ei bukse som blir reparert. Med så fint vêr som vi har hatt dei siste dagane har vi nesten budd ute. Ute i våren!

Påskeliljene har òg hatt godt av varmen siste dagane og har falda seg heilt ut. Kjekt med litt farge på den grå terrassen.

Inne i vindaugskarmen spirer månadsjordbær og Stevia (til høgre).

We have finally had some nice and warm sunny days and the plants trive both in- and outdoor.

07 apr

God påske!

Vil med dette bildet få ynskje alle som stikker innom her ei god påske. Eg trudde det var vår og hadde visst heilt gløymt korleis det er å bu på 300 moh inne i ein vestlandsfjord. Snø i april er meir vanlig enn uvanlig, men påskeliljene taklar det heilt fint.

I wish you all a Happy Easter!

07 apr

Naturbilde – veke 14

April og snø, men krokusane viser at det er vår! Sjølv sommaren med all sin blomsterprakt og farge sliter i konkurranse med desse flotte Krokusane som lyser opp i det grå bedet tidleg om våren.

Dette bildet blir mitt bidrag i veke 14 i naturbilde alongen.

It’s april and even though we woke up to 5 cm snow this morning I know it’s spring! Just look at the Crocus!

 

01 apr

Naturbilde – veke 13

Når ein har god tid og ikkje passar på å komme på ferjekaien akkurat i det ferja skal gå eller litt før kan ein få tid til å studere ferjene si ferd over fjorden. Bildet er tatt frå Manheller og fargane er kanskje ikkje heilt “riktige” men slik kom bildet fram og slik skal det få vere. Bildet er mitt bidrag for denne veka i naturfotoalongen. Viss du vil stemme fram eit av bildene mine som månedens bilde eller sjå på eller stemme på andre sine bilder i alongen kan du gå hit.

Ferrycrossing at the Sognefjord.

01 apr

Stegastein

Vi har brukt store deler av dagen på ei utflukt til Aurland. Målet var Stegastein – utsiktspunktet på den framtidige turistvegen mellom Lærdal og Aurland. Det var ein liten skuffelse at fremste delen av utsikta var avsperra slik at litt av effekten av å stå og sjå rett ned 640 meter vart borte. … ta seg forbi sperringar med tre ungar på slep frista heller ikkje. Vi får kanskje komme tilbake seinare for å sjå om det er råd å komme heilt ut på kanten.

Today we visited Stegastein in Aurland. A viewpoint with a platform where you can look straight downÂto the village and fjord 640 metres below.

25 mar

Naturfoto

Eg var ute ein tur i ettermiddag og såg på vårtegn. Bekken som går lystig igjen enkelte plassar og som andre plassar smeltar snøen akkurat nok til at den viser i terrenget. Bjørka står enno naken her hos oss, men det er berre snakk om nok varme dagar no før den begynnar å livne til med små museøyrer på greinene.

Eg har meldt meg på ein naturfoto – along hos Unni og håpar å få bli med. Reglane seier maks eit foto pr. veke men desse to henger slik sammen at eg ikkje berre kunne vise det eine; bidrag i alongen får difor kome seinare (når eg har fått bekrefta om eg er med eller ikkje).

Nature photos.

A touch of spring – even here!

I have sendt an mail to be part of an nature photo along “Charming Trolls Unni” has started. Hopefully I get to attend. I will post my photo for the along later on since we are only to post one photo a week and these two couldn’t be separated.

30 jan

Over alle grenser!

Lise viste denne veka fram eit tøft bilde i teknikken Out of Bounds. Ho linka også til eit par tutorials i Photoshop. Sidan eg ikkje brukar Photoshop, men Paint Shop Pro måtte eg ut på eit lite søk på eiga hand. Dette hadde eg lyst å prøve, og ved hjelp av min gode venn Google fann eg (som vanlig) det eg trengde. Her kan du sjå kor eg fekk hjelp. Nunnun har også prøvd teknikken.

Heime hos oss er det mellomsøster som er den som går “litt utenfor rammene” og derfor var det naturleg å velge eit bilde av henne til denne teknikken. Ã… få tre barn til å stå i ro under fotografering er heller ikkje så lett. Dette må eg garantert prøve igjen!

No boundaries!

At Lises’ blog this week you kan see a feather escaping the frame of the photo. Nunnun has also tried this tequnice, but on one of her wedding photos. I myself found a great tutorial for doing this in Paint Shop Pro here and has helped our daughter escape the frames that she most of the time climb out of anyway. Making three children line up for a photosession isn’t always easy.

19 jan

Leiketøy.

Eg har fått meg eit nytt leiketøy -eit digitalt tegnebrett. Argumentet eg brukte overfor meg sjølv for å kjøpe det var at eg kan bruke det til å lage eigne bilder til stingsetting (til maskinbroderi). Det har eg tenkt å gjere òg – men fyrst må eg leike meg litt og lære dei ulike funksjonane.

I kveld har eg laga gratulasjonskort – ein slags digital scrapping light – tegna ein masse tull og manipulert på nokre “gamle” babybilder. Det er såå mykje lettare å tegne strekar med den digitale pennen enn med mus. Her er det fort å få både “musearm” og musenakke kjenner eg…

Â

Velkommen! – 2002

Mellomsøster og bamsen – 2002

Liten men tøff – 2004

I have bought myself a new “toy”. A digital pen tablet system. I want to be able to draw my own drawings for my embroidery machine – but first I have to play and learn how to use it. Here are some “old” baby photos of our loved ones – slightly manipulated.