Bokslakt igjen

«Snille, bittelille Jumbo var en liten elefant som så gjerne ville se seg om i verden. Og en vakker dag så rømte han fra Berit og forsvant ut av døren for å gi seg ut på ferden…»

Lille Jumbo kom seg trygt heim til Berit veit vi, men her i huset har boka om stakkars Jumbo lenge mangla mange sider. Mange nok til at eg, til tross for (eller kanskje på grunn av) Egnerjubileum våga å gi boka ei ny oppgåve her i livet.

Denne boka er som «alle» veit ei tunn bok og ikkje egna for veske (ref. forrige innlegg). Men den er fin å sjå på, og kan gjerne henge på veggen. I går fekk eg mellom anna nokre urverk i posten frå «snopebutikken» cchobby. Og i kveld satte eg i gang med drill, skalpell og limpistol for å lage/montere bokklokke.

Tips til framgangsmåte for bokklokker av ulike variantar er det lett å finne på nett ved å søke på «reuse old books» eller lignande. I kveld fann eg òg bokklokker i denne norske bloggen.

Ungane her likte den godt, og dei to største jentene har alt bestilt meg til å vere med og designe eigne klokker til dei. Spørs om vi må ein tur til bokbyen i Fjærland i helga for å kikke på bøker ut frå korleis dei ser ut brukt som alt anna enn lesestoff!

 

3 thoughts on “Bokslakt igjen”

Legg att eit svar til Barbro Cancel Reply

Epostadressa di blir ikkje synleg. Påkravde felt er merka *

Denne nettstaden brukar Akismet for å redusere søppelpost. Lær korleis kommentarane dine vert handsama.