Litt kladd med fleece og nok ein onion-kjole

I dag har eg sydd dette settet i fleece i dag som ein «kladd» på vegen mot å lage eit godt mønster på hals og pulsvarmarar i valgfritt stretchmateriale. Eg tenker sjølv primært å lage halsen i ull og evt. pulsvarmarane i litt fleire variantar som pyntete i jersey eller litt varmare i ull. Mønsteret har eg tenkt å prøve å digitalisere slik at det skal kunne delast.

Pulsvarmarane vart straks adoptert av eldstejenta på 11, og mellomsta har bestilt seg eit par ho òg. ;) Fargen er lilla på desse og både halsen og pulsvarmarane er vendbare (men like på begge sider).

Kjolen som eg nevnte i forrige post laga eg ferdig i går. Den har fått lommer og broderi. På venstre arm står det «Take what’s left and make it right». Ei lita heks og katten hennar har fått plass på rompa. Broderiet er laga med tråden Güterman Mara som eg har fått til å teste ut frå denne nettbutikken via forumet sykroken.

Eg har laga lomma av eit einaste stykke tøy og viser gjerne korleis eg gjer det om nokon er interessert.

2 thoughts on “Litt kladd med fleece og nok ein onion-kjole”

Leave a Comment

Epostadressa di blir ikkje synleg. Påkravde felt er merka *

Denne nettstaden brukar Akismet for å redusere søppelpost. Lær korleis kommentarane dine vert handsama.